क्रिकेट खेळताना झाला वाद, बॅटने मारहाण केल्याने अल्पवयीन मुलाचा मृत्यू ; कुठे घडला हा धक्कादायक प्रकार ?
काही मुले मैदानात क्रिकेट खेळत होती. मात्र खेळादरम्यान दोन गटांमध्ये वाद झाला. त्यामध्ये एका मुलाने दुसऱ्या अल्पवयीन मुलाच्या डोक्यावर बॅटने वार केले.
चंद्रपूर : चंद्रपूर जिल्ह्यात क्रिकेट खेळण्यावरून झालेल्या वादातून एका 13 वर्षीय मुलाने अल्पवयीन मुलाची हत्या केली. एका पोलीस अधिकाऱ्याने गुरुवारी सांगितले की, ही घटना 3 जून रोजी घडली, जेव्हा आरोपीने पीडितेच्या डोक्यावर बॅटने वार केले. त्यानंतर 5 जून रोजी रुग्णालयात उपचारादरम्यान त्याचा मृत्यू झाला.
शहर पोलिस ठाण्यातील एका अधिकाऱ्याने सांगितले की, अल्पवयीन मुलाच्या कुटुंबीयांनी पोलिसात तक्रार न नोंदवता त्याचा मृतदेह पुरला. मात्र मंगळवारी मृताच्या आईने पोलिसांशी संपर्क साधला, त्यानंतर बुधवारी या प्रकरणाचा तपास करण्यासाठी मृतदेह कबरीतून बाहेर काढण्यात आला.
अधिकाऱ्याने दिलेल्या माहितीनुसार, ३ जून रोजी चंद्रपूरच्या बागड खिरकी येथे काही मुले मैदानात क्रिकेट खेळत होती. मात्र खेळादरम्यान पीडित मुलाचा इतर मुलांशी वाद झाला, त्यानंतर आरोपीने त्याच्या डोक्यावर बॅटने वार केले. अधिकाऱ्याच्या म्हणण्यानुसार, बॅटचा मार लागल्याने पीडित मुलगा जमिनीवर पडला. त्याला तातडीने जिल्हा शासकीय रुग्णालयात नेण्यात आले, तेथे उपचारादरम्यान ५ जून रोजी त्याचा मृत्यू झाला.
अधिकाऱ्याच्या म्हणण्यानुसार, मृताच्या नातेवाईकांनी पोलिसात तक्रार न करता त्याच्यावर अंत्यसंस्कार केले. मात्र, त्याच्या आईने मंगळवारी पोलिसात जाऊन तक्रार दाखल केली. त्यानंतर पोलिसांनी तपासासाठी मृतदेह बाहेर काढल्याचे त्यांनी सांगितले.
