बकरीवरून सुरू झालेला वाद पेटला, त्याने शेजाऱ्याचा प्रायव्हेट पार्टच…

लखनऊ| 29 ऑगस्ट 2023 : संतापाच्या भरात माणूस अशी एखादी कृती करतो, ज्यामुळे त्याला नंतर जन्मभर पश्चाताप करावा लागतो. पण तेव्हा वेळ निघून गेलेली असते. अशीच एक घटना उत्तर प्रदेशच्या शाहजहांपुर येथे घडली आहे. तेथे एका इसमाने रागाच्या भरात त्याच्या शेजाऱ्याचा प्रायव्हेट पार्टच (cut private part) कापला. खरंतर दोघांमध्येही बकरीवरून भांडण (dispute over goats) सुरू होते. बघता-बघता ते एवढे वाढले की त्याचे मोठ्या वादात रुपांतर झाले आणि संतापाच्या भरात त्या इसमाने त्याच्या शेजारी राहणाऱ्या इसमाचा प्रायव्हेट पार्टच कापून टाकला.

मिळालेल्या माहितीनुसार पीडित इसम हा 31 वर्षांचा असून आरोपी हा 28 वर्षांचा आहे. शेजाऱ्याची बकरी आरोपीच्या शेतात घुसली आणि त्यामुळे बरेच नुकसान झाले. यामुळे आरोपी अतिशय नाराज झाला होता. त्यातूनच हा प्रकार घडला. पीडित इसमाला सध्या रुग्णालयात दाखल करण्यात आले असून त्याच्यावर उपचार सुरू आहेत. त्याची प्रकृती स्थिर असल्याचे पोलिसांनी सांगितले.

बेशुद्धावस्थेत रुग्णालयात आणण्यात आले

मिळालेल्या माहितीनुसार, आरोपीने पीडित इसमाचा प्रायव्हेट पार्ट कापल्यावर तो बेशुद्ध झाला. त्याला तसेच तातडीने रुग्णालयात उपचारांसाठी आणण्यात आले. त्याला गंभीर दुखापत झाली असून चार टाकेही घालण्यात आले. याप्रकरणी आरोपीविरोधात दोघांनी तक्रार दाखल केली आहे.

धक्का देऊन जमिनीवर पाडले आणि कापला प्रायव्हेट पार्ट

याप्रकरणी पीडित इसमाने (बकऱ्यांचा मालक) दिलेल्या जबानीनुसार, बकऱ्यांमुळे त्याचे शेजारी राहणाऱ्या गंगाराम याच्याशी भांडण झाले. तेव्हा आरोपीने त्याला धक्का देऊन जमिनीवर पाडले आणि त्याचा प्रायव्हेट पार्ट कापला. त्यानंतर पीडित इसम बेशुद्ध झाला. मला अतिशय वेदना होत असून त्या सहन करणे कठीण आहे. या गोष्टीमुळे माझ्या वैवाहिक जीवनावर परिणाम होऊ शकतो, अशी भीती मला वाटत आहे, असेही तो म्हणाला.