मुंबईत ‘या’ अॅपद्वारे व्हिडीओ चॅट सेक्स रॅकेट, अनेक मुलींना ओढलं जाळ्यात

मुंबई : अश्लील व्हीडिओ सेक्स चॅट अॅप (Video Sex Chat App)चा पर्दाफाश करत मुंबई पोलिसांच्या गुन्हे शाखा युनिट 11 ने एका आरोपीला अटक (Arrest) केले आहे. ब्रिजेश शोनविल्यंस असे अटक करण्यात आलेल्या आरोपीचे नाव आहे. गुप्त माहितीच्या आधारे पोलिसांनी छापा टाकून 17 मुलींची सुटका (Rescued) केली. तसेच घटनास्थळावरुन 19 मोबाईल फोन, एक लॅपटॉप आणि इतर साहित्य जप्त केले आहे. याप्रकरणी पोलीस पुढील कारवाई करत आहेत.

गुप्त माहितीच्या आधारे पोलिसांनी छापा टाकला

आरोपी ब्रिजेश हा गेल्या आठ महिन्यांपासून मालाड पश्चिमेतील काचपाडा येथे हे सेक्स रॅकेट चालवत होता. पोलीस निरीक्षक विनायक चव्हाण यांना या ठिकाणी चॅमेट या ऑनलाईन चॅट अॅपद्वारे अश्लील व्हिडिओ सेक्स सुरु असल्याची माहिती मिळाली होती. या माहितीच्या आधारे पोलिसांनी सदर ठिकाणी छापा टाकला.

पोलिसांनी धाड टाकली असता सदर ठिकाणी ऑनलाईन सेक्स रॅकेट चालू असल्याचे निदर्शनास आले. पोलिसांनी हे सेक्स रॅकेट चालवणाऱ्या आरोपीला ताब्यात घेतले. त्यानंतर पोलिसांनी रॅकेटमधील 12 मुली आणि ऑफिसमध्ये काम करणाऱ्या 5 मुली अशा एकूण 17 मुलींची सुटका केली.

काय आहे प्रकरण ?

चॅमेट या अॅप्लीकेशनवर रजिस्ट्रेशन केलेल्या भारतीय तसेच परदेशी नागरिकांना फ्री चॅटिंग आहे असे भासवले जायचे. अॅप ओपन केल्यानंतर त्यांच्याशी मुली अश्लील संभाषण करत असत. तसेच नागरिकांकडून डिजिटल डायमंडच्या स्वरुपात पैसे घेतले जायचे. समोरील चॅट करणाऱ्या मुलीला डिजिटल डायमंड दिल्यास मुली ऑनलाईन व्हिडिओ कॉलवर अश्लील हावभाव आणि सेक्स चॅट करत असत. (17 girls freed by Mumbai police busting obscene video chat app)