अंबरनाथमध्ये भरधाव अर्टिगा झाडाला धडकली! कारमधील चौघांचं काय झालं?
भीषण अपघातामध्ये अर्टिका कार झाडाला धडकून उलटली!
अंबरनाथ : अंबरनाथमध्ये (Ambernath Accident News) सोमवारी रात्री एका अर्टिगा कारचा भीषण अपघात (Maharashtra Road Accident News) झाला. या अपघातात भरधाव अर्टिगा (Maruti Suzuki Ertiga) आधी एका झोपडीला आणि त्यानंतर झाडाला धडकली. त्यानंतर कार थेट रस्त्यावर पलटी झाली. यावेळी अर्टिगा कारमध्ये चौघेजण होते. त्यातील दोघे जण गंभीररीत्या जखमी झालेत. तर अन्य दोन जणही जखमी झालेत. त्यांना किरकोळ स्वरुपाचा मार लागलाय. या अपघातामुळे अतिवेग जीवावर बेतू शकतो, हे पुन्हा एकदा अधोरेखित झालंय.
अंबरनाथ एमआयडीसीतील सुदामा हॉटेलच्या जवळ मध्यरात्रीच्या सुमारास अर्टिगा कार अपघातग्रस्त झाली. MH 05 EJ 1835 क्रमांकाची एक एर्टीगा कार भरधाव वेगात बदलापूरहून अंबरनाथकडे येत होती.
मात्र सुदामा हॉटेलजवळ येताच या कारने आधी स्ट्रीट लाईटच्या पोलला, नंतर एका झाडं विक्रेत्याच्या झोपडीला आणि मग एका मोठ्या झाडाला धडक दिली आणि ही कार थेट पलटी झाली.
यामध्ये कारमधील चौघांपैकी दोघे किरकोळ जखमी, तर दोघे गंभीर जखमी झाल्याची माहिती मिळतेय. या सर्वांना उपचारांसाठी रुग्णालयात दाखल करण्यात आलं असून हा अपघात नेमका कशामुळे घडला? तसंच अपघातावेळी चालकानं मद्यपान केलं होतं का? या सगळ्या गोष्टींचा पोलीस तपास करतायत.
या अपघातात कारचं प्रचंड मोठं नुकसान झालंय. कारच्या समोरच्या बाजूला अपघातात जबर मार बसला. तर कार पलटी झाल्यानं कारच्या आतल्या बाजुलाही जबर फटका बसला. तसंच अर्टिगा कारची समोरची कारही फुटली होती. या अपघाताची पोलिसांनी नोंद करुन घेतली आहे.
अनेकदा भगधाव वेगानं वाहनं चालवून अपघात झाल्याचं घटना वारंवार समोर येत आहेत. मात्र तरिही वाहन चालकांना वेगावर ताबा ठेवता येत नसल्याचं दिसून आलंय. या वाढत्या अपघातांनी रस्ते अपघातांचा प्रश्नही दिवसेंदिवस गंभीर बनत चाललाय.
