कल्याण पत्रीपूल परिसरातील खळबळजनक घटना, भयानक अवस्थेत आढळला पुरुषाचा मृतदेह

कल्याणच्या पत्रीपूल परिसरात एका पुरुषाचा अर्धवट जळालेल्या अवस्थेत मृतदेह आढळला आहे. त्यामुळे एकच खळबळ उडाली आहे. पोलिसांनी घटनेची गंभीर दखल घेतली आहे. पत्रीपूल परिसरात सापडलेला मृतदेह नेमका कुणाचा आहे? याबाबत पोलिसांकडून युद्ध पातळीवर शोध सुरु आहे.

कल्याण पत्रीपूल परिसरातील खळबळजनक घटना, भयानक अवस्थेत आढळला पुरुषाचा मृतदेह
Follow us
| Updated on: Nov 18, 2023 | 8:18 PM

सुनील जाधव, Tv9 मराठी, कल्याण | 18 नोव्हेंबर 2023 : कल्याण पूर्वेतील पत्रीपूल परिसरात रेल्वे रुळालगत अर्धवट जळालेल्या अवस्थेत एका पुरुषाचा मृतदेह आढळून आलाय. त्यामुळे परिसरात एकच खळबळ उडाली आहे. या इसमाची जाळून हत्या करण्यात आल्याचा संशय व्यक्त करण्यात येतोय. मृताची ओळख अद्याप पटलेली नाही. या संदर्भात टिळकनगर पोलीस ठाण्यात गुन्हा दाखल करण्यात आलाय. ही व्यक्ती कोण आहे? ही घटना कशी घडली? या प्रश्नांची उत्तरे टिळक नगर पोलीस शोधत आहेत.

कल्याण पूर्वेकडे पत्रीपूल परिसरातील अशोक सिंगल उद्यानाच्या पाठीमागील बाजूस असलेल्या रेल्वे ट्रॅक परिसरात लोहमार्ग सुरक्षा बलाचे पेट्रोलिंग सुरू होते. रूळालगत असलेल्या झुडपात काहीतरी जळत असल्याचे पोलिसांच्या निदर्शनास आले. संशय आल्याने पोलिसांनी झुडपात जाऊन पाहिले असता एक मृतदेह अर्धवट जळालेल्या अवस्थेत आढळून आला. लोहमार्ग पोलिसांनी टिळकनगर पोलिसांना या प्रकाराची माहिती दिली.

पोलिसांना नेमका संशय कुणावर?

टिळकनगर पोलिसांनी घटनास्थळी धाव घेऊन पंचनामा केला. त्यानंतर हा मृतदेह ताब्यात घेऊन उत्तरीय तपासणीसाठी मुंबईतील सर जे. जे. हॉस्पिटलला पाठवून दिला. अहवाल प्राप्त झाल्यानंतर या इसमाचा मृत्यू नेमका कशामुळे झाला? हे स्पष्ट होणार आहे.

बहुदा पूर्ववैमनस्यातून किंवा अनैतिक संबंधातून या इसमाची हत्या करून त्याला जाळून पुरावा नष्ट करण्याचा मारेकऱ्यांनी प्रयत्न केला असावा, असा पोलिसांचा कयास आहे. पोलिसांना सापडलेला मृतदेह हा 35 ते 40 वर्षाच्या इसमाचा आहे. त्याची ओळख अद्याप पटलेली नाही. या इसमाला जाळून त्याची हत्या करण्यात आल्याचा संशय आहे. या प्रकरणी टिळकनगर पोलीस ठाण्यात तूर्त आकस्मिक मृत्यूची नोंद करण्यात आली आहे. पोलीस याप्रकरणी अधिक तपास करत आहेत.

Non Stop LIVE Update
10 वर्षांनी विरोधी बाकांवर जास्त संख्या, विरोधक वाढले अन् आवाजही वाढला
10 वर्षांनी विरोधी बाकांवर जास्त संख्या, विरोधक वाढले अन् आवाजही वाढला.
लोकसभेचे निकाल लागताच, विधानसभा डोळ्यांसमोर ठेवून महायुतीतून आऊटगोईंग
लोकसभेचे निकाल लागताच, विधानसभा डोळ्यांसमोर ठेवून महायुतीतून आऊटगोईंग.
फक्त ओबीसींनाच एंट्री, गावा-गावात पोस्टर, आरक्षणाची लढाई गावबंदीपर्यंत
फक्त ओबीसींनाच एंट्री, गावा-गावात पोस्टर, आरक्षणाची लढाई गावबंदीपर्यंत.
शिंदेंच्या दौऱ्यावेळी मीडियाला घेऊन जाणाऱ्या बोटीचा अपघात, बघा व्हिडीओ
शिंदेंच्या दौऱ्यावेळी मीडियाला घेऊन जाणाऱ्या बोटीचा अपघात, बघा व्हिडीओ.
याआधी कधी अस नव्हत...राज्यात आरक्षणाचा वाद, राज ठाकरेंनी मांडली भूमिका
याआधी कधी अस नव्हत...राज्यात आरक्षणाचा वाद, राज ठाकरेंनी मांडली भूमिका.
राज्यातील मंत्रिमंडळ विस्तार कधी होणार? शिरसाटांचं सूचक वक्तव्य काय?
राज्यातील मंत्रिमंडळ विस्तार कधी होणार? शिरसाटांचं सूचक वक्तव्य काय?.
लोकसभेतील अपयशानंतर जानकरांचा स्वबळाचा नारा, विधानसभेसाठी तयारी सुरु
लोकसभेतील अपयशानंतर जानकरांचा स्वबळाचा नारा, विधानसभेसाठी तयारी सुरु.
पोरगं नापास झालं, आता काय करायच.. उदयनराजेंकडून निळू फुलेंची मिमिक्री
पोरगं नापास झालं, आता काय करायच.. उदयनराजेंकडून निळू फुलेंची मिमिक्री.
लोकसभेच्या पहिल्या अधिवेशनापूर्वी मोदींनी सांगितलं18 अंकाचं महत्त्व
लोकसभेच्या पहिल्या अधिवेशनापूर्वी मोदींनी सांगितलं18 अंकाचं महत्त्व.
त्यांना स्वप्नातही बांबू दिसतोय, लोक रस्त्यावर मारतील; राऊतांचा पलटवार
त्यांना स्वप्नातही बांबू दिसतोय, लोक रस्त्यावर मारतील; राऊतांचा पलटवार.