Mumbai Crime : वैवाहिक वाद टोकाला गेला, झोपेतच पतीने पत्नीचा काटा काढला !

मुंबई / 29 जुलै 2023 : घरगुती वादातून पतीने पत्नीला संपवल्याची घटना वडाळा परिसरात उघडकीस आली आहे. याप्रकरणी आरोपी पतीला पोलिसांनी अटक केली आहे. रोशनी राजेश इरणाकर असे मयत पत्नीचे आणि राजेश वसंत इरणाकर असे आरोपी पतीचे नाव आहे. या घटनेमुले परिसरात एकच खळबळ उडाली. पती-पत्नीमध्ये नेहमी वाद व्हायचे. अनेकदा समजूत काढूनही दोघांमधील वाद मिटत नव्हते. अखेर या वादाचा भयानक अंत झाला. या घटनेमुले कुटुंबीयांनाही धक्का बसला आहे.

नातेवाईकांनी वाद मिटवण्याचा प्रयत्न केला

इरणाकर जोडपे वडाळा बेस्ट डेपोसमोरील आंबेडकर कॉलेजजवळ राहत होते. पती-पत्नीमध्ये वारंवार वाद होत होते. नातेवाईकांनी हस्तक्षेप करुन दोघांचा वाद मिटवण्याचा प्रयत्न केला. पण काहीच फायदा झाला नाही. दोघांमध्ये वाद झाल्यानंतर काहीही न सांगता राजेश बाहेर निघून जायचा. यामुळे पत्नीला त्याचे दुसऱ्या स्त्री शी प्रेमसंबंध असल्याचा संशय होता.

अखेर वादातून पत्नीला संपवले

पचीने अनेकदा आपले प्रेमसंबंध नसल्याचे पत्नीला सांगितले. मात्र तिचा विश्वास बसत नव्हता आणि यावरुन ती पतीशी भांडायची. याच रागातून त्याने पत्नीचा काटा काढला. शुक्रवारी पहाटे पत्नी झोपेत असताना पतीने पत्नीची हत्या केली आणि पळून गेला. सकाळी घरच्यांच्या ही बाब लक्षात आल्यानंतर त्यांनी तात्काळ महिलेला केईएम रुग्णालयात नेले. मात्र डॉक्टरांनी तिला मृत घोषित केले.

आरोपी अटक

यानंतर पोलिसांना प्रकरणाची माहिती देण्यात आली. पोलिसांनी हत्येच्या आरोपाखाली गुन्हा दाखल करत आरोपीला अटक केली. पोलीस चौकशी आरोपीने आपला गुन्हा कबूल केला. पोलीस पुढील कारवाई करत आहेत.