Maharashtra News LIVE: रोहित पवारांनी विधवा महिलेच्या घरी जाऊन साजरी केली दिवाळी, साडी चोळी दिली भेट

आज दिवाळीचा पहिला दिवस असून आज लक्ष्मी पूजनही केलं जाणार आहे. या निमित्ताने आज अनेक ठिकाणी दिवाळी पहाटचं आयोजन करण्यात आले आहे. राज्यासह अगदी जगभरातील काही भागात आज दिवाळी मोठ्या प्रमाणत साजरी केली जात आहे.

सोबतच अनेक राजकीय घडामोडी घटना दिसत आहेत. कोल्हापूर दूध उत्पादक संघ, गोकुळवरून राजकीय आखाडा चांगलाच तापला आहे. मुख्यमंत्री देवेंद्र फडणवीस यांनी गोकुळवर कब्जा करण्याचा सरकारचा उद्देश नसल्याचा दावा केला. याशिवाय दोन्ही राष्ट्रवादीच्या विलीनीकरणाचा पुन्हा एकदा गजर सुरू झाला. राज्याचे राजकारण कूस बदलण्याची जोरदार चर्चा सुरू झाली. दोन्ही बाजूने विलीनीकरणाचे कार्ड पुन्हा फेकण्यात आले. त्यावर खमंग, खुशखुशीत चर्चा रंगली. ऐन दिवाळीत आरोप-प्रत्यारोपांची लड लागली. तर दाव्या-प्रतिदाव्यांचे बॉम्ब फुटले. यासोबतच राज्यासह देशभरात घडणाऱ्या घडामोडींचे सर्व अपडेट्स एका क्लिकवर या ब्लॉगच्या माध्यमातून जाणून घ्या.