Mumbai Crime : मुंबई दहशतवाद्यांच्या हॉटस्पॉटवर, मंत्रालय नियंत्रण कक्षाला धमकीचा ‘तो’ फोन

मुंबई / 8 ऑगस्ट 2023 : मंत्रालय नियंत्रण कक्षाला धमकीचा फोन आल्याची धक्कदायक घटना घडली आहे. फोन करणाऱ्याने एक-दोन दिवसात अतिरेकी कारवाई करण्याची धमकी दिली. मंत्रालय नियंत्रण कक्षातील लँड लाईनवर काल रात्री 10 वाजता हा फोन आला होता. या फोनमुळे एकच खळबळ माजली असून, मुंबई पोलीस सतर्क झाले. याप्रकरणी पोलिसांनी आरोपीला कांदिवली येथून अटक केली आहे. आरोपीला दुपारी कोर्टात हजर करण्यात येणार आहे. आोरपीने हा फोन का केला? कोणत्या उद्देशाने केला? खरंच काही अतिरेकी कारवाईचा कट आहे की केवळ दहशत माजवण्याच्या उद्देशाने हा फोन करण्यात आला? याबाबत मुंबई पोलीस आरोपीची चौकशी करत आहेत.

मात्र वारंवार येणाऱ्या अशा धमकीच्या फोनमुळे मुंबई पुन्हा एकदा दहशतवाद्यांच्या रडारवर आहे का असा प्रश्न उपस्थित झाला आहे. याप्रकरणी मुंबई पोलीस वेगाने तपासचक्रे फिरवत आहेत. स्वातंत्र दिन जवळ येत आहे. या पार्श्वभूमीवर या धमकीच्या फोनमुळे पोलीस सतर्क झाले आहेत. पोलीस सदर कॉल ट्रेस करत आहेत. लवकरच आरोपीला अटक होण्याची शक्यता आहे.

याआधीही रेल्वेत बॉम्ब असल्याचा फोन आला

याआधी मुंबई पोलिसांच्या नियंत्रण कक्षाला रेल्वेत बॉम्ब असल्याचा निनावी फोन आला होता. यानंतर पोलीस दलात एकच खळबळ उडाली. पोलिसांनी सदर कॉल ट्रेस करत एका आरोपीला जुहूमधून अटक केली. अशोक मुखिया असं अटक आरोपीचं नाव आहे. आरोपीने मुंबईत ट्रेनमध्ये सीरियल बॉम्बस्फोट होणार असल्याची फोनवर माहिती दिली होती.