Mumbai Crime : लोकलमध्ये महिला प्रवाशाशी गैरवर्तन करणाऱ्या मद्यधुंद किन्नरला अटक
जीआरपी पोलिसांकडून मिळालेल्या माहितीनुसार, अंधेरीहून विरारला जाणाऱ्या लोकल ट्रेनमध्ये एक महिला प्रवासी बसली होती. रात्री 10.15 वाजले होते. ट्रेन गोरेगाव रेल्वे स्थानकावर येताच त्याच डब्यामध्ये मद्यधुंद अवस्थेत किन्नरही आत शिरला आणि ट्रेनमध्ये आधीच बसलेल्या एका महिला प्रवाशाला शिवीगाळ करू लागला. यावेळी डब्यात उपस्थित असलेल्या सुरक्षा रक्षकाने किन्नरला पकडले आणि बोरिवली जीआरपीच्या ताब्यात दिले
मुंबई : विरार लोकलमध्ये महिला प्रवाशाशी गैरवर्तन (Abuse) करणाऱ्या एका मद्यधुंद किन्नरला बोरिवली जीआरपी पोलिसांनी अटक (Arrest) केली आहे. प्रफुल्ल पांचाळ ऊर्फ सानिया असे आरोपी किन्नरचे नाव आहे. सानियावर याआधीही लोकममध्ये महिलांची लूट करणे, शिवीगाळ असे अनेक गुन्हे दाखल आहेत. विरार लोकल (Virar Local) गोरेगाव स्थानकात येताच हा किन्नर महिला डब्यात चढला. ट्रेनमध्ये उपस्थित असलेल्या सुरक्षा रक्षकाने तात्काळ किन्नरला पकडून बोरिवली जीआरपीमध्ये आणले. तेथे पोलिसांनी किन्नर विरुद्ध तक्रार नोंदवून त्याला अटक केली आहे.
विरार लोकलमध्ये घडली घटना
जीआरपी पोलिसांकडून मिळालेल्या माहितीनुसार, अंधेरीहून विरारला जाणाऱ्या लोकल ट्रेनमध्ये एक महिला प्रवासी बसली होती. रात्री 10.15 वाजले होते. ट्रेन गोरेगाव रेल्वे स्थानकावर येताच त्याच डब्यामध्ये मद्यधुंद अवस्थेत किन्नरही आत शिरला आणि ट्रेनमध्ये आधीच बसलेल्या एका महिला प्रवाशाला शिवीगाळ करू लागला. यावेळी डब्यात उपस्थित असलेल्या सुरक्षा रक्षकाने किन्नरला पकडले आणि बोरिवली जीआरपीच्या ताब्यात दिले. याआधीही आरोपी किन्नरवर चालत्या ट्रेनमध्ये लुटणे, महिला प्रवाशांना शिवीगाळ करणे असे गुन्हे दाखल आहेत, एवढेच नाही तर आरोपी किन्नरवर अनेक गुन्हे दाखल आहेत. टॉय गनचा धाक दाखवून महिला प्रवाशाला लुटल्याबाबतही या किन्नरवर गुन्हा दाखल आहे. या आरोपात बोरिवली जीआरपी पोलिसांनी अटकही केली आहे. (Transgender arrested for abusing a female passenger in a local)
