Bike Accident | 20 फूट खाली कोसळल्यामुळे भंडाऱ्यात बाईकस्वाराचा मृ्त्यू, अपघात दुपारी, रात्री उघड

राधेलाल उरकूट पटले असं मयत तरुणाचं नाव आहे. राधेलाल दुचाकीने रामटेककडून तुमसरच्या दिशेने येत असताना भंडारा जिल्ह्यात रामटेक-तुमसर राष्ट्रीय महामार्गावर नागठाणा येथे हा अपघात झाला.

Bike Accident | 20 फूट खाली कोसळल्यामुळे भंडाऱ्यात बाईकस्वाराचा मृ्त्यू, अपघात दुपारी, रात्री उघड
बाईक अपघातात तरुणाचा मृत्यू
Image Credit source: टीव्ही 9
तेजस मोहतुरे

| Edited By: अनिश बेंद्रे

May 12, 2022 | 8:19 AM

भंडारा : अपघातात दुचाकीस्वाराचा मृत्यू झाल्याची दुर्दैवी घटना समोर आली आहे. बाईक रस्त्यापासून (Bike Accident) 20 फूट खाली कोसळल्यामुळे तरुणाला प्राण गमवावे लागले. भंडारा जिल्ह्यात (Bhandara Accident) रामटेक-तुमसर राष्ट्रीय महामार्गावर नागठाणा येथे हा अपघात झाला. धक्कादायक म्हणजे दुपारीच हा अपघात झाला होता, मात्र रात्री उशिरा एका शेतकऱ्याने बाईक पाहिल्यानंतर अपघाताचा उलगडा झाला. कदाचित वेळीच या अपघाताची माहिती इतर वाटसरु किंवा वाहन चालकांना मिळाली असती, तर बाईकस्वाराचे प्राण वाचू शकले असते, अशा प्रतिक्रिया उमटत आहेत.

नेमकं काय घडलं?

राधेलाल उरकूट पटले, खरकपूर (वय 35 वर्ष, रा. ता. कटंगी, जि. बालाघाट) असं मयत तरुणाचं नाव आहे. राधेलाल दुचाकीने रामटेककडून तुमसरच्या दिशेने येत असताना भंडारा जिल्ह्यात रामटेक-तुमसर राष्ट्रीय महामार्गावर नागठाणा येथे हा अपघात झाला.

रस्त्याच्या 20 फूट खाली कोसळला

दुचाकीवरुन चालकाचे नियंत्रण सुटल्यामुळे तो रस्त्याच्या 20 फूट खाली कोसळला. त्यामुळे तो मृत्युमुखी पडला. ही घटना काल (बुधवारी) दुपारच्या सुमारास घडली.

मृतदेह दुपारपासून घटनास्थळी पडून

राधेलाल नागपूरवरून सकाळी आपल्या खरकपूर गावाकडे जात असताना नागठाणा जवळ हा अपघात घडला. त्याचा मृतदेह दुपारपासून घटनास्थळी पडला होता. मात्र एका शेतकऱ्याला रात्रीच्या वेळी बाईक दिसल्याने ही घटना उघडकीस आली.

या घटनेची माहिती आंधळगाव पोलीस ठाण्याला मिळताच पोलिस घटनास्थळी दाखल झाले. त्यांनी मृतदेह शवविच्छेदनासाठी पाठवला आहे.

हे सुद्धा वाचा


Follow us on

Related Stories

Most Read Stories

Click on your DTH Provider to Add TV9 MARATHI

राज्य चुनें