लेक बाबांसारखी दिसते हे वाक्य तिला नेहमी खटकायचं, पण आईचा राग क्रौर्याची सीमा ओलांडेल असं कुणाला वाटलंही नाही, काय घडलं?
नाशिकमधील 3 महिन्याच्या मुलीच्या हत्येमागील धक्कादायक कारण समोर आल्यानं खळबळ उडाली आहे. पोटच्या गोळ्याबद्दलच इतका द्वेष कसा निर्माण झाला यावरून संताप व्यक्त केला जात आहे.
नाशिक : नाशिकमध्ये घडलेल्या तीन महिन्याच्या चिमुकलीच्या हत्येच्या घटनेने धक्कादायक वळण घेतले आहे. जन्मदात्या आईनेच या मुलीची हत्या केल्याचं पोलीस तपासात समोर आलं आहे. सासरच्याकडून होणाऱ्या जाचांला कंटाळून जन्मदात्या आईनेच या मुलीची गळा चिरून हत्या केल्याचं समोर आल्याने सर्वांच्या पायाखालची जमीन सरकलीय. नाशिकच्या धृवनगर परिसरामध्ये ध्रुवांशी रोकडे या तीन वर्षाच्या चिमुकलीची गळा चिरून हत्या करण्यात आली होती. या हत्येने शहरात एकच खळबळ उडाली होती तीन महिन्याच्या चिमुकलीचा शत्रू कोण असावा ? असा प्रश्न उपस्थित केला जात होता. यावर महिला आयोगाने देखील मोठा संशय व्यक्त केला होता.
तीन महिन्यांच्या चिमूकलीची घटनेत पोलिसांनी केलेल्या तपासात खळबळ जनक माहिती समोर आली आहे. जन्मदात्या आईनेच सासरच्याकडून होणाऱ्या जाचाला कंटाळून पोटच्या मुलीची गळा चिरून हत्या केली आहे.
अज्ञात महिलेने आपल्याला बेशुद्ध करून तिची गळा चिरून हत्या केली असा बनाव रचला होता. मात्र पोलिसांनी मोठ्या शिताफीने या प्रकरणाची चौकशी केली असता हत्या झालेल्या मुलीची आई संशयित युक्ता रोकडे हिनेच तिच्या मुलीची हत्या केल्याचं तपासात निष्पन्न झाल आहे.
सासरचे लोक मुलीला बापावर गेली बरे झाले असे म्हणून आईची छळवणूक करत असल्याने आईनेच मुली विषयी मनात द्वेष निर्माण करत पोटच्या मुलीची गळा चिरून हत्या केल्याचे उघड झाले आहे. घटनास्थळावरील परिस्थिती आणि आजूबाजूचे सीसीटीव्ही फुटेज तपासल्यानंतर पोलिसांना आई बनाव करत असल्याचा संशय आला होता.
या अनुषंगाने पोलिसांनी आईचे व्हाट्सअप चाट आणि इतर माहितीच्या आधारावर या प्रकरणाचा तपास केला असता जन्मदात्या आईनेच आपल्या मुलीची हत्या केल्याचं समोर आले असून या घटनेने शहरात खळबळ उडाली आहे.
