मुंबईहून दुबईला चालला होता व्यक्ती, विमानतळावर तपासणी दरम्यान बॅगेत सापडले घबाड
एक व्यक्ती मुंबईहून दुबईला चालला होता. विमानतळावर येताच त्याने बॅगा तपासणीसाठी दिल्या. यानंतर तो थेट सीआयएसएफच्या ताब्यात गेला.
मुंबई : मुंबई विमानतळावर एका व्यक्तीला परदेशी चलनासह अटक करण्यात आली आहे. हा व्यक्ती मुंबईहून दुबईला चालला होता. विमानतळावर तपासणी करताना बॅगेतून 3 कोटी रुपयांचे परदेशी चलन घेऊन दुबईला चालला होता. केंद्रीय औद्योगिक सुरक्षा दलाने (CISF) मंगळवारी ही कारवाई केली. सीआयएसएफ अधिकारी सदर इसमाची सखोल चौकशी करत आहेत. हे परकीय चलन त्याने कुठून आणलं, याबाबत चौकशीअंतीच सर्व स्प।्ट होईल. सीआयएसएफच्या चौकशीत हा माणूस जास्त प्रमाणात परकीय चलन बाळगण्यासाठी कोणतेही वैध कागदपत्र सादर करू शकला नाही. यानंतर त्याला सीमाशुल्क अधिकाऱ्यांच्या ताब्यात देण्यात आले.
स्कॅनरमध्ये तपासणीसाठी बॅग टाकल्यानंतर प्रकार उघड
मुंबई विमानतळावर एक इसम मंगळवारी दुबईला जाण्यासाठी दाखल झाला. विमानतळावरील एक्स-रे स्कॅनरमध्ये सुरक्षा तपासणीसाठी त्याने बॅगा टाकल्या. यानंतर स्कॅनरमध्ये जे दिसलं ते पाहून सीआयएसएफ अधिकारी चक्रावून गेले. त्याच्या सामानातून एकूण 14,22,500 दिरहम, सध्याच्या विनिमय दरानुसार सुमारे 3 कोटी रुपये जप्त करण्यात आले आहेत. सदर इसम अमिरातीच्या विमानाने दुबईला जाणार होता.
गेल्या वर्षी, एका कुटुंबातील तीन सदस्यांना अटक करण्यात आली होती आणि त्यांच्याकडून US $ 4,97,000 (रु. 4.1 कोटी) किमतीचे परदेशी चलन जप्त करण्यात आले होते. अधिकाऱ्यांनी दिलेल्या माहितीनुसार, बुधवारी मुंबई एअर इंटेलिजन्स युनिट (AIU) ने केलेल्या ऑपरेशनदरम्यान ही कारवाई करण्यात आली. एका कुटुंबातील तीन भारतीय प्रवासी, फ्लाय दुबई फ्लाइट FZ 446 द्वारे दुबईला जात असताना त्यांना रोखण्यात आले आणि परदेशी चलनासह पकडण्यात आले.
