डिलिव्हरीसाठी आला, फ्रि किस घेऊन गेला, तुमच्या जवळच्या शहरात काय घडतंय?

पुणे / अभिजीत पोते (प्रतिनिधी) : पार्सल घेऊन आलेल्या डिलिव्हरी बॉयने एका 19 वर्षीय तरुणीला जबरदस्तीने किस (Kiss) घेतल्याची संतापजनक घटना पुण्यातील येवलेवाडीत उघडकीस आली आहे. याप्रकरणी तरुणीच्या तक्रारीवरुन कोंढवा पोलीस (Kondhava Police) ठाण्यात गुन्हा नोंद करण्यात आला आहे. पोलिसांनी आरोपीला अटक (Arrest) केले आहे. रईस शेख असे अटक करण्यात आलेल्या 40 वर्षीय आरोपीचे नाव आहे.

तरुणीने झोमॅटोवरुन जेवण ऑर्डर केले होते

येवलेवाडीतील हायप्रोफाईल वस्तीत राहणाऱ्या 19 वर्षीय तरुणीने शनिवारी रात्री झोमॅटोवरुन जेवण मागवले होते. रईस शेख हा रात्री 9.30 च्या सुमारास जेवणाचे पार्सल घेऊन आला.

आरोपीने तरुणीकडे पाणी पिण्यास मागितले

पार्सल दिल्यानंतर आरोपी रईसने तरुणीकडे पाणी पिण्यासाठी मागितले. तरुणीने पाणी दिल्यानंतर आरोपीने थँक यू म्हणण्यासाठी हात मिळवला. मात्र हात सोडतच नव्हता.

तरुणीला जवळ ओढून किस केले

तरुणीने हात सोडवण्याचा प्रयत्न केला असता आरोपीने हात घट्ट पकडून तरुणीला जवळ ओढले आणि तिच्या गालावर दोन किस घेतले. किस केल्यानंतर आरोपी तेथून निघून गेला.

कोंढवा पोलिसांकडून आरोपीला अटक

यानंतर तरुणीने तात्काळ कोंडवा पोलीस ठाणे गाठले आणि सर्व घडला प्रकार पोलिसांना सांगितला. तरुणीच्या तक्रारीनुसार पोलिसांनी झोमॅटो डिलिव्हरी बॉय विरोधात गुन्हा दाखल केला. पोलिसांनी आरोपीला कोंढवा परिसरातून अटक केली आहे.