Pune Crime : भयंकर ! पुण्यात सेक्सची ऑफर देऊन तरुणाला बोलावले, मग डांबून ठेवत पैसे लुटले
खडक पोलीस स्टेशनच्या हद्दीतील मध्यवस्तीत दोन दिवसांपूर्वी हा प्रकार घडला आहे. फिर्यादी तरुणाचा काढलेला व्हिडीओ व्हायरल करण्याची धमकी देऊन त्याचा मोबाईल काढून घेतला. त्यानंतर आरोपींनी त्याच्या मोबाईलवरून ऑनलाईन 55 हजार 679 रुपये देखील ट्रान्सफर करून घेतले.
पुणे : पुण्यातील खडक पोलीस स्टेशन परिसरात एक धक्कादायक घटना उघडकीस आली आहे. पिंपरी चिंचवड परिसरातील एका महाविद्यालयात एमबीए करणाऱ्या एका तरुणा (Youth)ला पुण्यात चौघांनी सेक्सची ऑफर देत बोलावून घेतले. त्यानंतर त्याला रात्रभर डांबून ठेवलं आणि त्याच्या जवळचे सर्व पैसे (Money) काढून घेतले. त्यानंतर त्याला तो गे असल्याचे सर्वत्र व्हायरल करेन अशी धमकी दिल्याचा प्रकार उघडकीस आला आहे. याप्रकरणी खडक पोलिस ठाण्यात गुन्हा दाखल करण्यात आला आहे. या प्रकरणी पोलिसांनी चार आरोपींना अटक (Arrest) केली आहे. साहिल कुरेशी, अनिकेत जाधव, सुदामा चौधरी, रोहित चव्हाण अशी अटक करण्यात आलेल्या आरोपींची नावे आहेत.
आरोपींनी पीडित तरुणाचे 55 हजार 679 रुपये लुटले
याप्रकरणी 24 वर्षीय तरुणाने या प्रकरणी खडक पोलीस स्टेशनमध्ये तक्रार दिली आहे. खडक पोलीस स्टेशनच्या हद्दीतील मध्यवस्तीत दोन दिवसांपूर्वी हा प्रकार घडला आहे. फिर्यादी तरुणाचा काढलेला व्हिडीओ व्हायरल करण्याची धमकी देऊन त्याचा मोबाईल काढून घेतला. त्यानंतर आरोपींनी त्याच्या मोबाईलवरून ऑनलाईन 55 हजार 679 रुपये देखील ट्रान्सफर करून घेतले. त्यानंतर रात्रभर त्याला खोलीतच डांबून ठेवले. दुसऱ्या दिवशी सकाळी त्याला सोडून दिले. त्यानंतर या तरुणाने पोलीसांकडे धाव घेतली. त्यानूसार पोलिसांनी चौघांना अटक केली आहे. अटक केलेल्या आरोपीमधील साहिल कुरेशी हा पोलिसांच्या रेकॉर्डवरील गुन्हेगार आहे, अशी माहिती देखील पोलिसांनी दिली आहे. (In Pune the young man was offered sex and then robbed of his money)
