Pune Accident : कारच्या फ्रंट कॅमेऱ्यात थरारक अपघात कैद! ओव्हरटेकींगचा नाद बाईकस्वार तरुणाला अंगलट, पाहा व्हिडीओ

रणजीत जाधव

रणजीत जाधव | Edited By: सिद्धेश सावंत

Updated on: Aug 22, 2022 | 8:35 AM

Pune Maval Accident Video : हिरोहोंडा बाईकवरुन बाळू शिळवणे हा तरुण जात होता. एका कंटेनरला तो ओव्हरटेक करण्याच्या प्रयत्ना होता. रस्त्याच्या पूर्णपणे बाजूला आलेली त्याची बाईक तो पुन्हा ओव्हरटेक करुन डाव्या लेनमध्ये घेऊन जाण्याच्या प्रयत्नात होता.

Pune Accident : कारच्या फ्रंट कॅमेऱ्यात थरारक अपघात कैद! ओव्हरटेकींगचा नाद बाईकस्वार तरुणाला अंगलट, पाहा व्हिडीओ
मावळमध्ये थरारक अपघात...
Image Credit source: TV9 Marathi

पुणे : राज्यात अपघाताचं (Road Accident) सत्र सुरु आहे. अशातच हे अपघात घडण्याला कारण वाहनचालकांचा बेशिस्तपणा आहे, हे अधोरेखित करणारी घटना समोर आली आहे. कारच्या फ्रंट कॅमेऱ्यात (Pune accident News) एक थरारक अपघात कैद झाला आहे. ओव्हरटेक करण्याच्या नादात एक बाईकस्वार चुकीच्या लेनमध्ये येतो. समोरुन भरधाव वेगाने कार येतेय, हे पाहूनही ओव्हरटेक करण्याचा मोह काही कारचालकाला आवरत नाही. अखेर बाईक कारच्या बोनेटला जोरदार धडकते आणि काळजाचा ठोका चुकवणारी ही दृश्य कॅमेऱ्यात कैद होतात. या अपघाताने दुचाकीस्वारांचा बेशिस्तपणा आणि अतिउत्साह जीववार बेतू शकतो, हे ठळकपणे अधोरेखित केलंय. पुणे जिल्ह्यातील मावळमध्ये (Maval Accident) कंटेनरला ओव्हर टेक करण्याच्या नादात बाईक समोरुन येणाऱ्या कारला धडकली. अपघाताची ही घटना कॅमरात कैद झालीय. तळेगाव-चाकण रोडवर हा अपघात झाला. कारच्या फ्रंट कॅमेऱ्यात अपघाताची काळजाचा ठोका चुकवणारी दृश्यं कैद झालीत.

पाहा व्हिडीओ :

या अपघातात बाळू गेणू शिळवणे हा दुचाकीचालक गंभीर जखमी झालाय. त्याच्यावर खासगी रुग्णालयात उपचार सुरू आहेत. तसंच दुचाकी चालकावर गुन्हा दाखल करण्यात आलाय. हे दृश्य बघता केवळ दैव बलवत्तर असल्यानेच तो वाचला असल्याचं पाहायला मिळतंय.

हिरोहोंडा बाईकवरुन बाळू शिळवणे हा तरुण जात होता. एका कंटेनरला तो ओव्हरटेक करण्याच्या प्रयत्ना होता. रस्त्याच्या पूर्णपणे बाजूला आलेली त्याची बाईक तो पुन्हा ओव्हरटेक करुन डाव्या लेनमध्ये घेऊन जाण्याच्या प्रयत्नात होता. पण इतक्यात समोरुन येणाऱ्या कारच्या वेगाचा त्याला अंदाज आला नाही. डाव्या लेनमध्ये बाईक आणण्याच्या आधीच समोरुन येणाऱ्या कारच्या उजव्या बाजूला त्याच्या बाईकचा धक्का लागतो आणि दुचाकीस्वार बाळू शिळवणे हा तरुण जागीच कोसळतो.

हे सुद्धा वाचा

कंटेरनच्या खाली येऊन दुचाकीस्वार चिरडला जाण्याचीही भीती असतो. पण नशीब बलवत्तर म्हणून हा तरुण अगदी थोडक्यात बचावलाय. पण पावसामुळे रस्ता निसरडा झालेला होता. त्यात कारला धडक देऊन खाली कोसळल्यामुळे दुचाकीस्वार तरुणाला खरचटलंय. पण त्याचा जीव वाचलाय. सध्या त्याच्यावर खासगी रुग्णालयात उपचार सुरु आहे. या काळजाचा थरकाप उडवणाऱ्या व्हिडीओमध्ये रस्ते अपघातांची दाहकता अधोरेखित केलीय.

Non Stop LIVE Update

Follow us on

Related Stories

Most Read Stories

Click on your DTH Provider to Add TV9 MARATHI