दुकानदारालाच माहित नाही त्याच्या नावावर 12 कोटींचं ट्रान्सेक्शन, IT विभागाची धाड पडली अन्… सर्वच झालेत थक्क!
सध्याच्या आधुनिक जगात तुमची कागदपत्रं व्यवस्थित जपून ठेवणं गरजेचं आहे. त्यासोबत कोणी चुकीचा वापर तर करत नाही ना याची काळजी घेणं आवश्यक आहे. कारण एका दुकानदाराला त्याचा जबर फटका बसला आहे.
जयपूर – राजस्थानच्या भिलवाडा भागातून एक धक्कादायक प्रकरण समोर आलं आहे. 12.23 कोटींचं ट्रान्सक्शन केल्याप्रकरणी दिव्यांग स्टेशनरी दुकानदाराला इनकम टॅक्सची नोटीस आल्याने खळबळ उडाली आहे. धक्कादायक बाब म्हणजे, त्या दुकानदाराने असं कोणतंच ट्रान्सक्शन केलं नव्हतं. त्यामुळे इनकम टॅक्स विभागाने नोटीस का पाठवली आहे? यामागचं कारणच त्याला कळेना. किशन गोपाल चपरवाल यांनी ती नोटीस वारंवार वाचली तेव्हा त्यांना कळलं की, ही नोटीस आपल्या नावानेच काढली गेलीआहे. त्यानंतर त्याने पोलीस ठाण्यात याबाबतचा गुन्हा दाखल केला आहे. तेव्हा पॅन कार्डचा कोणतरी चुकीचा वापर केला असल्याचं समोर आलं.
टाईम्स ऑफ इंडियाच्या बातमीनुसार, राजस्थानच्या भिलवाडा येथील संजयनगर येथे राहणाऱ्या 38 वर्षीय किशन गोपाल चपरवाल याने याप्रकरणी पोलिसात तक्रार दाखल केली आहे. त्याने सांगितलं करी चार्टर्ड अकाउंटंटकडे गेलो तेव्हा त्याने सांगितलं की, पॅन कार्डचा चुकीचा वापर केला गेला आहे.मुंबई आणि सूरत येथील दोन डायमंड कंपन्यांनी चुकीचा वापर केला आहे. या कंपन्यांच्या माध्यमातून कोट्यवधींची देवाणघेवाण झाली आहे.
किशन चपरवाल याने दुकान सुरु करण्यासाठी लोन घेतलं होतं. पण अजूनही कर्जाचे हफ्ते फेडताना नाकी नऊ येतात. दर महिन्याला 8 ते 10 रुपयांची कमाई होते. त्यात घरखर्च आणि इतर खर्च वगळता हाती तसं काही राहात नाही. त्यामुळे इतक्या कोटींचा माझा काही संबंध नाही. बनावट कंपन्या स्थापन करून पॅनकार्डच्या माध्यमातून माझी फसवणूक केली आहे.
किशन गोपाल याला आयकर विभागाने नोटीस पाठवून ट्रान्सक्शनबाबत उत्तर मागितलं आहे. तसेच 12.23 कोटींच्या ट्रान्सक्शनप्रकरणी डिटेल्स सबमिट करण्यास सांगितलं आहे. पॅनकार्डचा वापर कोण करत आहे हे माहित नसल्याचं त्याने सांगितलं. तसेच या प्रकरणी सखोल चौकशी करून आरोपींना शिक्षा करण्याची मागणी किशनने केली आहे. दुसरीकडे, या प्रकरणी सुभाष नगर पोलीस तपास करत आहेत.
