Buldhana Crime : संतनगरीतच सुरु होतं अशोभनीय कृत्य, हॉटेलमध्ये सुरु होता कुंटणखाना, पोलिसांकडून छापेमारी
संतनगरी अशी ओळख असलेल्या शेगावमध्ये अश्लील कृत्य सुरु होते. घटनेची माहिती कळताच शहरात एकच खळबळ उडाली आहे. अशा घटनांमुळे धार्मिक स्थळाचे पावित्र्य भंग पावल्याची भावना नागरिका
बुलढाणा / 12 ऑगस्ट 2023 : संतनगरी आणि तीर्थक्षेत्र अशी ओळख असलेल्या शेगावात एक धक्कादायक घटना उघडकीस आली आहे. शेगाव शहरातील एका हॉटेलमध्ये कुंटणखाणा सुरु होता. पोलिसांनी या कुंटणखाण्यावर छापेमारी करत दोन महिलांची सुटका केली. याप्रकरणी हॉटेल मालक आणि व्यवस्थापकासह दोन महिलांवर शेगाव शहर पोलीस ठाण्यात गुन्हा दाखल करण्यात आला आहे. आकाश देशमुख पप्पू उर्फ आनंद गुजर असे मुख्य आरोपीचे नाव आहे. या घटनेमुळे शहरात एकच खळबळ उडाली आहे. धार्मिक स्थळ अशी ओळख असलेल्या शेगावमध्ये अशा घटना उघडकीस येत असल्याने नागरिकांकडून संताप व्यक्त होत आहे. आरोपींवर कडक कारवाईची मागणी करण्यात येत आहे.
गुप्त माहितीच्या आधारे पोलिसांची छापेमारी
शेगाव शहरातील वैभव हॉटेलमध्ये वेश्याव्यवसाय सुरु असल्याची माहिती शेगाल शहर पोलिसांना मिळाली होती. मिळालेल्या माहितीनुसार, पोलिसांनी सदर हॉटेलवर छापेमारी केली. या छाप्यात दोन महिलांची सुटका करण्यात आली. वेश्याव्यवसाय प्रकरणी एकावर अनैतिक व्यापार प्रतिबंध अधिनियम कलम 3, 4, 5, 7 अन्वये गुन्हा दाखल करण्यात आला आहे. आकाश देशमुख पप्पू उर्फ आनंद गुजर असे त्याचे नाव आहे. गुजर हा कुंटणखाना चालवत होता. हॉटेलचा मालक आणि मॅनेजरवर पिटा अॅक्टनुसार गुन्हा दाखल करण्यात आला आहे. तसेच हॉटेल व्यवस्थापकावरही गुन्हा दाखल करण्यात आला आहे.
