Accident : ट्रकची दुचाकीला धडक, दोन शिक्षकांचा जागीचं मृत्यू, फरारी ट्रक चालकाचा पोलिसांकडून शोध
अपघात झाल्याची माहिती सगळीकडे वाऱ्यासारखी पसरल्यानंतर घटनास्थळी मोठी गर्दी झाली होती. त्यामुळे रस्त्यावर वाहनांच्या मोठ्याचं मोठ्या रांगा लागल्या होत्या.
परभणी : परभणीच्या (Parbhani Crime News) मानवत शहरातून जाणाऱ्या राष्ट्रीय महामार्ग कल्याण-निर्मल रस्त्यावर दुचाकी आणि ट्रकचा भीषण अपघात (bike Truck Accident) झाला आहे. अपघातात दुचाकीवरील दोन शिक्षकांचा जागीच मृत्यू (Two Teacher Death) झाल्याची माहिती मिळाली आहे. रामेश्वर कदम, गंगाधर राऊळ असं मृत शिक्षकांची नाव आहेत. शाळेकडे येत असताना पाथरीहुन परभणीकडे भरधाव वेगाने जाणाऱ्या ट्रकने जोराची धडक दिली. यात दोघाही शिक्षकांचा जागीच मृत्यू झाला. दरम्यान, अपघात झाल्यानंतर ट्रकचालक जागेवरून फरार झाल्याची माहिती पोलिसांनी (Police) दिली आहे. पोलिस ट्रक चालकाचा शोध घेत आहेत. ट्रक चालकाल ताब्यात घेतल्यानंतर पुढील कारवाई करण्यात येणार असल्याचं पोलिसांनी सांगितलं.
दोन शिक्षकांचा मृत्यू झाल्यामुळे…
महाराष्ट्रात रोज अपघाताच्या घटना घडतात, परंतु दोन शिक्षकांचा मृत्यू झाल्यामुळे सगळीकडे हळहळ व्यक्त केली जात आहे. त्याचबरोबर विद्यार्थ्यांच्या डोळ्यात सुध्दा अश्रू होते. दोन्ही शिक्षकांचे मृतदेह जवळच्या शासकीय रुग्णालयात शवविच्छेदनासाठी दाखल केले आहेत.शवविच्छेदन झाल्यानंतर मृतदेह नातेवाईकांच्या ताब्यात देण्यात येणार आहे. पोलिस ट्रकच्या चालकाचा शोध घेत आहेत.
घटनास्थळी मोठी गर्दी झाली होती…
अपघात झाल्याची माहिती सगळीकडे वाऱ्यासारखी पसरल्यानंतर घटनास्थळी मोठी गर्दी झाली होती. त्यामुळे रस्त्यावर वाहनांच्या मोठ्याचं मोठ्या रांगा लागल्या होत्या. पोलिस घटनास्थळी दाखल झाल्यानंतर घटनास्थळावरील वाहनं हटवण्यात आली. त्याबरोबर गर्दी सुद्धा पांगवली असल्याची माहिती मिळाली आहे. घटनास्थळी अपघात झाल्यानंतर मोठी गर्दी झाली होती. त्याचा एक व्हिडीओ सोशल मीडियावर व्हायरल झाला आहे.