ICSE 10th, ISC 12th 2023 चा निकाल लागणार आजच ! cisce.org या लिंकवर जा, आधी सूचना वाचा
ICSE बोर्डाची दहावीची परीक्षा 27 फेब्रुवारी ते 29 मार्च 2023 या कालावधीत घेण्यात आली होती. तर बारावीची परीक्षा यंदा 10 फेब्रुवारी ते 27 मार्च 29 या कालावधीत घेण्यात आली होती. आता त्याचा निकाल जाहीर होणार आहे.
नवी दिल्ली: कौन्सिल फॉर द इंडियन स्कूल सर्टिफिकेट एक्झामिनेशनने (CISCE) दहावी आणि बारावीच्या ISC बोर्डाच्या परीक्षेचा निकाल जाहीर केला आहे. बोर्डाकडून निकाल जाहीर करण्याची तारीख आणि वेळ जाहीर करण्यात आली आहे. ICSE बोर्डाने जारी केलेल्या अधिसूचनेनुसार आज (14 मे 2023) निकाल जाहीर होणार आहे. ICSE बोर्डाची दहावीची परीक्षा 27 फेब्रुवारी ते 29 मार्च 2023 या कालावधीत घेण्यात आली होती. तर बारावीची परीक्षा यंदा 10 फेब्रुवारी ते 27 मार्च 29 या कालावधीत घेण्यात आली होती. आता त्याचा निकाल जाहीर होणार आहे.
SMS द्वारे तपासा ICSE निकाल
ICSE दहावीचा निकाल विद्यार्थी त्यांच्या मोबाइलवरून SMS द्वारे देखील पाहू शकतात. ICSE परीक्षेचा निकाल मिळवण्यासाठी विद्यार्थ्यांना आपला सात अंकी रोल कोड पाठवावा लागणार आहे.
स्टेप 1: आपल्या फोनवर नवीन संदेश सुरू करा.
स्टेप 2: त्यानंतर तुमचा युनिक आयडी आणि ICSE टाइप करा. उदाहरणार्थ, ICSE 1234567 (सात अंकी युनिक आयडी)
स्टेप 3: मेसेज 0924808288 पाठवा.
स्टेप 4: तुमचा निकाल SMS मध्ये दिसेल.
डिजिलॉकर वर मार्कशीट मिळवा
CISCE ICSE दहावी बोर्ड निकाल आज दुपारी 3 वाजेपर्यंत cisce.org या अधिकृत वेबसाइटवर जाहीर करेल. तसेच बारावी म्हणजेच ISC चा निकालही जाहीर करण्यात येणार आहे. आयसीएसई आणि आयएससी बोर्डाच्या परीक्षा देणाऱ्या उमेदवारांना भारत सरकारच्या इलेक्ट्रॉनिक्स आणि माहिती तंत्रज्ञान विभागाने (ISC) स्थापन केलेले डिजिलॉकर उपलब्ध आहे.
