न्यूझीलंडमध्ये भारतीय विद्यार्थ्यांना मिळणार शिष्यवृत्ती, रक्कम वाचून शॉक व्हाल
न्यूझीलंडचे पंतप्रधान म्हणाले की, न्यूझीलंड आणि भारत हे अभ्यासाच्या क्षेत्रात एकमेकांचे भागीदार आहेत. जागतिक स्तरावर यशस्वी होण्यासाठी आवश्यक असणारी कौशल्ये विद्यार्थ्यांनी शिकावीत, अशी त्यांची इच्छा आहे.
न्यूझीलंडचे पंतप्रधान ख्रिस्तोफर लक्सन यांनी IIT दिल्लीतील एका कार्यक्रमात ‘न्यूझीलंड एक्सलन्स अवॉर्ड (NZEA) 2025’ची घोषणा केली. NZEA 2025 अंतर्गत न्यूझीलंडमध्ये उच्च शिक्षण घेणाऱ्या भारतीय विद्यार्थ्यांना 2,60,000 न्यूझीलंड डॉलर्सची अंशत: शिष्यवृत्ती दिली जाईल.
IIT दिल्लीच्या 30 विद्यार्थ्यांना न्यूझीलंडच्या कंपन्यांमध्ये ऑनलाइन इंटर्नशिप करण्याची संधी मिळणार आहे, ज्यामुळे त्यांना कामाचा अनुभव मिळेल.
पंतप्रधान लक्सन काय म्हणाले?
न्यूझीलंडचे पंतप्रधान म्हणाले की, न्यूझीलंड आणि भारत हे शिक्षण क्षेत्रात एकमेकांचे भागीदार आहेत. जागतिक स्तरावर यशस्वी होण्यासाठी आवश्यक असणारी कौशल्ये विद्यार्थ्यांनी शिकावीत, अशी त्यांची इच्छा आहे.
काय म्हणाले आयआयटी दिल्लीचे संचालक?
आयआयटी दिल्लीचे संचालक प्रोफेसर रंगन बॅनर्जी म्हणाले की, त्यांची संस्था जागतिक सहकार्याला प्रोत्साहन देण्यासाठी कटिबद्ध आहे. न्यूझीलंडसोबत भागीदारीमुळे ज्ञानाची देवाणघेवाण, संयुक्त संशोधन वाढेल.
NZEA शिष्यवृत्तीसाठी पात्रता
- अर्ज करताना वय 18 वर्षापेक्षा कमी नसावे
- भारतीय नागरिक असावा, न्यूझीलंड किंवा ऑस्ट्रेलियाचा नागरिक किंवा स्थायी रहिवासी नसावा.
- काही विद्यापीठांच्या स्वतःच्या पात्रतेच्या अटी असू शकतात, ज्या त्यांच्या वेबसाइटवर असतील.
- अर्ज करण्याची शेवटची तारीख 30 एप्रिल 2025 आहे.
न्यूझीलंड आणि भारतीय संस्थांमध्ये करार
ऑकलंड विद्यापीठाने मणिपाल अकॅडमी ऑफ हायर एज्युकेशन (एमएएचई) आणि IIT खरगपूर यांच्याशी संशोधन सहकार्यासाठी करार केला.
ऑकलंड युनिव्हर्सिटी आणि टेक महिंद्रा यांच्यात AI, मशीन लर्निंग आणि क्वांटम कॉम्प्युटिंगवर इंटर्नशिप प्रोग्राम सुरू होईल.
वायकाटो विद्यापीठ आणि बेनेट विद्यापीठ कायदा, व्यवसाय, संगणक विज्ञान आणि अभियांत्रिकी मध्ये संयुक्त कार्यक्रम सुरू करणार आहेत.
व्हिटक्लिफ कॉलेज ऑफ आर्ट्स अँड डिझाइनने शिक्षक आणि विद्यार्थ्यांच्या देवाणघेवाणीसाठी नॅशनल इन्स्टिट्यूट ऑफ डिझाइन (एनआयडी) आणि नॅशनल इन्स्टिट्यूट ऑफ फॅशन टेक्नॉलॉजी (निफ्ट) यांच्याशी करार केले.
न्यूझीलंडचे पंतप्रधान ख्रिस्तोफर लक्सन यांनी सोमवारी राष्ट्रपती भवनात राष्ट्रपती द्रौपदी मुर्मू यांची भेट घेतली. राष्ट्रपती भवनात पंतप्रधान लक्सन आणि त्यांच्या शिष्टमंडळाचे स्वागत करताना राष्ट्रपती म्हणाल्या की, भारत आणि न्यूझीलंड यांच्यात घनिष्ठ आणि मैत्रीपूर्ण संबंध आहेत. लोकशाही, कायद्याचे राज्य आणि लोकांमधील मजबूत संबंधांमध्ये रुजलेली सामायिक मूल्ये यावर आधारित आहे.
राष्ट्रपतींनी गेल्या वर्षी ऑगस्टमध्ये आपल्या न्यूझीलंड दौऱ्याची आठवण करून दिली आणि सांगितले की, न्यूझीलंडचे नैसर्गिक सौंदर्य आणि सांस्कृतिक विविधतेने माझ्या मनावर एक अमिट ठसा उमटवला. शैक्षणिक देवाणघेवाण हा भारत-न्यूझीलंड संबंधांचा महत्त्वाचा पैलू आहे.
