‘ही’ अशी PhD कुठेच चालणार नाही, यूजीसीने दिल्या सूचना…

नवी दिल्लीः पीएचडी करणाऱ्यांसाठी विद्यापीठ अनुदान आयोग आणि भारत सरकार ऑल इंडिया कौन्सिल फॉर टेक्निकल एज्युकेशनकडून आता पीएचडी करणाऱ्यांना एक धोक्याचीच सूचना देण्यात आली आहे. त्यामुळे संशोधन क्षेत्रात काम करणाऱ्यांनी यूजीसीच्या या सुचनेकडे दुर्लक्ष करु नका असा सल्लाही देण्यात आला आहे. कारण विद्यार्थ्यांची छोटीशी चुकही त्यांचे सगळं करियर बर्बाद करु शकते. तुम्ही पीएचडी धारक व्हाल मात्र ती पदवी भारतात कुठेच मान्य केली जाणार नाही.

त्यामुळे यूजीसी आणि एआयसीटीईकडून सूचना देण्यात आली आहे की, कोणत्याही ऑनलाईन एज्युकेट ऑनलाईन शिक्षण संस्थांकडून तुम्ही पीएचडी केला असला किंवा परदेशी विद्यापीठातूनही पीएचडी मिळवली असली तरी ती भारतामध्ये कोणत्याही विद्यापीठात ग्राह्य मानली जाणार नाही.

या पीएचडी संदर्भात विद्यापीठ अनुदान आयोगाने आपल्या ugc.ac.in या वेबसाईटवर सूचना जाहीर केली आहे. त्याबरोबरच त्यांनी आपल्या ट्विटर हँडलवरुनही जाहीर केले. त्यामध्ये त्यांनी म्हटले आहे की, कोणत्याही विदेशी विद्यापीठाबरोबर किंवा एज्युकेट कंपनीकडून ऑनलाईन पीएचडीच्या जाहिरातील बळी पडू नका. या अशा प्रकारच्या शिक्षणाला यूजीसीकडून कोणतीही मान्यता देण्यात येत नाही. यूजीसीबरोबरच एआयसीटीईकडून ही नोटीस जाहीर करण्यात आली आहे.

पीएचडी संदर्भात विद्यापीठ अनुदान आयोगाने विद्यार्थ्यांना सल्लाही देण्यात आला आहे. पीएचडीसाठी प्रवेश घेताना त्या संदर्भातील सर्व माहिती तपासून घ्या. त्यासाठी UGC PhD Regulation 2016 नीट वाचणे गरजेचे असल्याचेही त्यांनी सांगितले आहे.

त्यामुळे सध्या ऑनलाईन शिक्षणाच्या जाहिरातींनाही बळी न पडण्याचे आवाहन करण्यात आले आहे. ऑनलाईन आणि दूरस्थ शिक्षण अभ्यासक्रमांची माहिती घेऊन प्रवेश निश्चित करण्याचा सल्ला यूजीसीने दिला आहे. विद्यापीठ अनुदान आयोगाच्या नियमांतर्गत असा कोणताही फ्रँचायझी करार मंजूर झालेला नसल्याचेही स्पष्ट करण्यात आले आहे.