Mumbai North West Lok Sabha constituency: उत्तर पश्चिम मतदारसंघातील निकालावरुन शंका, उद्धव ठाकरे आव्हान देण्याच्या तयारीत, म्हणाले….
Uddhav Thackeray On Mumbai North West Lok Sabha 2024 constituency: शिवसेना उबाठा गटाचे प्रमुख उद्धव ठाकरे यांनी शिवसेना भवनात झालेल्या पत्रकार परिषदेत शंका उपस्थित करत मतमोजणीला आव्हान देणार असल्याचं म्हटलं आहे.
लोकसभा निवडणूक 2024 चे काही अपवाद सोडले तर आतापर्यंत सर्व कळ हाती आले आहेत. महाराष्ट्रात मविआची जादू पाहायला मिळाली आहे. मविआने महाराष्ट्रात 48 पैकी 29 जागांवर विजय मिळवला आहे. मात्र मविआला एका जागेवर निसटता पराभव स्वीकारावा लागला. मुंबई उत्तर पश्चिम मतदारसंघात महाविकास आघाडीच्या अमोल कीर्तीकर यांना अवघ्या 48 मतांनी पराभूत व्हावं लागलं. महायुतीचे रवींद्र वायकर विजयी झाले. या लोकसभा मतदारसंघात मतमोजणी दरम्यान ट्विस्ट पाहायला मिळाला. अमोल कीर्तीकर यांना आधी विजयी जाहीर करण्यात आलं. त्यानंतर रवींद्र वायकर यांनी आव्हान देत फेरमोजणीची मागणी केली.
अमोल कीर्तीकर यांना ईव्हीएममध्ये 4 लाख 995 तर रवींद्र वायकर यांना 4 लाख 994 मतं मिळाली. वायकर यांना ईव्हीएममध्ये कीर्तीकर यांच्या तुलनेत फक्त एकच मत जास्त होतं. त्यानंतर 3 हजार 49 पोस्टल मतांची मोजणी करण्यात आली. इथे खरा गेम फिरला. अमोल किर्तीकर यांना रवींद्र वायकर यांच्यापेक्षा फक्त 48 मतं कमी पडली. कीर्तीकर यांना 1 हजार 500 तर रविंद्र वायकर यांना 1 हजार 549 मते मिळाली.अशाप्रकारे वायकर अवघ्या 48 मतांनी विजयी झाले. या निकालाआधी शिवसेना उबाठा गटाचे प्रमुख उद्धव ठाकरे यांनी शिवसेना भवनात झालेल्या पत्रकार परिषदेत शंका उपस्थित करत मतमोजणीला आव्हान देणार असल्याचं म्हटलं आहे.
उद्धव ठाकरे काय म्हणाले?
“अमोल कीर्तीकर यांचा पराभव जाहीर झालेला नाही. कारण तिकडे नक्की गडबड आहे. आम्ही विचार करतोय की कदाचित त्या निवडणुकीला चॅलेंज देऊ. कारण एकूणच गडबड घोटाळा दिसतोय तिकडे. पहिल्यांदा ईव्हीएममध्ये मतमोजणी झाली मग पोस्टल. तो विषय सुरु आहे. पण आम्ही बहुतेक मतमोजणीला चॅलेंज करु”, असं उद्धव ठाकरे म्हणाले.
उद्धव ठाकरे पंतप्रधान पदाबाबत काय म्हणाला?
इंडिया आघाडी उद्या सत्तास्थापनेबाबत एक्सप्लोर करणार का? तसेच पंतप्रधान पदाबाबत तुम्ही चर्चा करणार का? असा प्रश्न ठाकरेंना विचारण्यात आला. यावर उत्तर देताना ठाकरे म्हणाले, “निश्चितच सत्तास्थापनेचा दावा करणार. जसं की मी आता म्हटलं की ज्यादिवशी इंडिया म्हणून आमची आघाडी झाली. तेव्हाच आमच्या सर्वांचं ठरलं होतं की कुणा एका व्यक्तिला नाही, पण देशातील हुकुमशाही संपवायची. संविधान वाचवायचं हवं. मग सर्व ठरवून पंतप्रधानपदाचा उमेदवार ठरवू शकतो. मला वाटतं की ते उद्या होईल”, असंही उद्धव ठाकरे यांनी म्हटलं.
