PM Narendra Modi : काही लोकांसाठी गाय ‘गुन्हा’ असेल, आमच्यासाठी ती माता आहे – पंतप्रधान मोदी

PM Narendra Modi : काही लोकांसाठी गाय 'गुन्हा' असेल, आमच्यासाठी ती माता आहे - पंतप्रधान मोदी
पंतप्रधान नरेंद्र मोदी

'आमच्याकडे काही लोकांनी गो धनाची बाब गुन्ह्याच्या रुपात आणून ठेवली आहे. गाय काही लोकांसाठी गुन्हा असू शकते, आमच्यासाठी गाय माता आहे. गायीच्या मुद्द्याची मजा घेणारे लोक हे विसरले की याच पशुधनामुळे देशातील 8 कोटी जनतेचं कुटुंब चालतं. भारत प्रत्येक वर्षात साडे आठ लाख कोटी रुपयांचं दुधाचं उत्पन्न घेतो'.

टीव्ही 9 मराठी डिजीटल टीम

| Edited By: सागर जोशी

Dec 23, 2021 | 7:12 PM

वाराणसी : पंतप्रधान नरेंद्र मोदी (PM Narendra Modi) यांनी गुरुवारी वाराणसीच्या (Varanasi) करखियांवमध्ये 870 रुपयांपेक्षा अधिक गुंतवणीच्या 22 विकास योजनांचं लोकार्पण केलं. तसंच 1 हजार 225 कोयी रुपयांच्या पाच योजनांचं भूमिपूजनही केलं. यावेळी पंतप्रधान मोदी आपल्या भाषणात म्हणाले की, वाराणसीतील शेतकरी आणि पशूपालकांसाठी आजचा दिवस मोठा आहे. मोदी यांनी 2 हजार 100 कोटीच्या 27 योजना वाराणसीकरांसाठी समर्पित केल्या.

मोदी म्हणाले की, आमच्याकडे काही लोकांनी गो धनाची बाब गुन्ह्याच्या रुपात आणून ठेवली आहे. गाय काही लोकांसाठी गुन्हा असू शकते, आमच्यासाठी गाय माता आहे. गायीच्या मुद्द्याची मजा घेणारे लोक हे विसरले की याच पशुधनामुळे देशातील 8 कोटी जनतेचं कुटुंब चालतं. भारत प्रत्येक वर्षात साडे आठ लाख कोटी रुपयांचं दुधाचं उत्पन्न घेतो.

पूर्वांचलमधील शेतकरी आणि पशुपालकांना फायदा होणार

पंतप्रधान मोदी यावेळी म्हणाले की बनास डेअरी संयत्रामुळे पूर्वांचलमधील जवळपास 6 जिल्ह्यातील लोकांना फक्त नोकरी मिळणार नाही, तर शेतकरी आणि पशुपालकांना मोठा फायदा होणार आहे. आज उत्तर प्रदेशातील लाखो लोकांना त्यांच्या घराची कागदपत्रंही देण्यात आली. यावेळी दीड हजार कोटी रुपयांपेक्षा अधिकच्या योजनांचं लोकार्पण आणि शिलान्यासही करण्यात आला. या योजनांमुळे वाराणसीचं चित्र बदलण्यात मदत होईल.

‘एकेकाळी दारासमोर दुभती जनावरं हे संपन्नतेचं लक्षण होतं’

एक काळ असता होता की दारासमोर दुभती जनावरं हे संपन्नतेचं लक्षण होतं. आमच्या शास्त्रांमध्ये सांगितलं गेलं आहे की आमच्या सर्वत्र गाय आहे आणि आम्ही गायींच्या सानिध्यात राहू. आमच्या डेअरी सेक्टरसाठी कामधेनू आयोगाचं गठन केलं. तसंच शेतकऱ्यांना किसान क्रेडिट कार्डशी जोडलं. चारा आणि गोठ्यासाठीही सरकारनं देशव्यापी योजना हाती घेतली. जनावरांवरील रोगाच्या इलाजासाठी सरकारने मोफत लसीकरण मोहीम राबवली, असंही पंतप्रधान मोदी म्हणाले.

इतर बातम्या : 

‘इथे भ्रष्टता, तिथे नष्टता… शंखच पोकळ फुंकू नका’, कुसुमाग्रजांच्या कवितेच्या सहाय्यानं फडणवीसांचा सरकारवर हल्लाबोल

10वी आणि 12वीच्या विद्यार्थ्यांना परीक्षा अर्ज भरण्यास विलंब शुल्क माफी, परीक्षेच्या आदल्या दिवसापर्यंत अर्ज करण्याची मुभा

Follow us on

Related Stories

Most Read Stories

Click on your DTH Provider to Add TV9 MARATHI

राज्य चुनें