कायदा ठरला निष्प्रभ! एका मेसेजमुळे जातात हजारो लोकांचे जीव घेतले, 3 वर्षे जुन्या सीरिजचा धुमाकूळ, IMDb रेटिंग 7.1
एका मेसेजमुळे होतो हजारो जणांचा मृत्यू. त्याच्यापुढे कानून देखील झाला फेल. 3 वर्षे जुन्या 12 भागांच्या या सीरिजने घातलाय धुमाकूळ. IMDb रेटिंग 7.1
The Killing Vote : सध्या ओटीटी प्लॅटफॉर्मवर क्राइम आणि थ्रिलरवर आधारित कथांना मोठी पसंती मिळताना दिसत आहे. प्रेक्षकांना वास्तव घटनांवर आधारित, थरारक आणि मेंदूला चालना देणाऱ्या कथा अधिक आवडू लागल्या आहेत. अशाच एका कोरियन क्राइम-थ्रिलर सीरिजने काही वर्षांपूर्वी प्रेक्षकांना अक्षरशः हादरवून सोडले होते.
2023 मध्ये प्रदर्शित झालेली The Killing Vote ही कोरियन सीरिज आपल्या अनोख्या संकल्पनेमुळे चर्चेत आली. या सीरिजमध्ये Park Sung-woong, Seo Young-joo, Kim Yeo-jin, Kwon Seok-joo आणि Kim Jae-hoon प्रमुख भूमिकेत झळकले आहेत.
ही कथा ‘गेटल’ नावाच्या एका रहस्यमय व्यक्तीभोवती फिरते. गेटल आपली ओळख पूर्णपणे लपवून ठेवतो. तो कोरियातील नागरिकांना एक टेक्स्ट मेसेज पाठवतो, ज्यामध्ये तो धक्कादायक प्रश्न विचारतो ‘कायद्यातील त्रुटींचा फायदा घेऊन सुटणाऱ्या गुन्हेगारांना मृत्युदंड द्यावा का?’
जर 50 टक्क्यांहून अधिक लोकांनी ‘होय’ असे उत्तर दिले तर गेटल स्वतः त्या गुन्हेगारांना शिक्षा देण्याचा निर्णय घेतो. लोकांच्या मतदानानंतर तो एक-एक करून गुन्हेगारांना ठार मारू लागतो. मात्र, त्याची ही कृती कायद्याच्या विरोधात असल्याने प्रशासन आणि पोलिस यंत्रणा सतर्क होतात.
कायद्याच्या पलीकडील न्याय?
गेटलचा ‘न्याय’ हा कायद्याच्या चौकटीबाहेरचा असल्याने त्याला पकडण्यासाठी एक विशेष पथक तयार केले जाते. कथा जसजशी पुढे सरकते तसतसा गुन्ह्यांचा स्तर अधिकच गंभीर होत जातो. प्रत्येक भागात नवे ट्विस्ट आणि टर्न्स उलगडत जातात जे प्रेक्षकांना खिळवून ठेवतात.
12 भागांची ही सीरिज समाजातील नैतिकता, न्यायव्यवस्था आणि लोकशाही प्रक्रियेवर गंभीर प्रश्न उपस्थित करते. लोकांनी मतदान करून शिक्षा ठरवणे योग्य आहे का? की न्यायालयीन प्रक्रिया हीच अंतिम असावी? अशा अनेक विचारांना चालना देणारी ही कथा आहे.
प्रेक्षकांची पसंती आणि IMDb रेटिंग
The Killing Vote सध्या ओटीटी प्लॅटफॉर्म Amazon Prime Video वर स्ट्रीम होत आहे. या सीरिजला IMDb वर 7.1 इतके रेटिंग मिळाले आहे. प्रदर्शित होऊन तीन वर्षे उलटूनही ही सीरिज आजही प्रेक्षकांचे मनोरंजन करत आहे. क्राइम-थ्रिलर प्रकारातील वेगळ्या धाटणीची कथा पाहायची असेल तर ‘द किलिंग व्होट’ ही सीरिज नक्कीच एक उत्तम पर्याय ठरू शकते.
