32 वर्षांपासून प्रत्येक ऑटो ड्रायव्हरचं प्रचंड आवडतं गाणं, ऐकताच सर्वच गुणगुणतात

हिंदी चित्रपटसृष्टीला अनेक दिग्गज शायर आणि गीतकारांनी अविस्मरणीय गाणी दिली आहेत. यातील काही गाणी काळाच्या पुढे जाऊन आजही प्रेक्षकांच्या आणि संगीतप्रेमींच्या पसंतीस उतरतात. असंच एक एव्हरग्रीन गाणं म्हणजे 1994 मध्ये प्रदर्शित झालेल्या गोविंदाच्या ‘खुद्दार’ चित्रपटातील ‘तुमसा कोई प्यारा कोई मासूम नहीं है’.

या लोकप्रिय गाण्याचे बोल प्रसिद्ध उर्दू शायर आणि गीतकार राहत इंदौरी यांनी लिहिले होते. आपल्या दमदार शायरीसाठी ओळखल्या जाणाऱ्या राहत इंदौरी यांनी प्रेम आणि प्रिय व्यक्तीच्या सौंदर्याचं कौतुक करणारे सुंदर शब्द या गाण्यातून मांडले. त्यामुळे हे गाणं आजही 90 च्या दशकातील रोमँटिक गाण्यांमध्ये आवर्जून ऐकलं जातं.

गाण्यावर बनलेत लाखो रील्स

या गाण्याला अनु मलिक यांनी संगीत दिलं असून कुमार सानू आणि अलका याज्ञिक यांनी आपल्या सुरेल आवाजात ते गायलं आहे. 90 च्या दशकातील हे रोमँटिक गाणं आजही अनेक संगीतप्रेमींच्या प्लेलिस्टमध्ये ऐकायला मिळतं. सोशल मीडियावरील रील्सपासून ते जुन्या गाण्यांच्या कार्यक्रमांपर्यंत या गाण्याची लोकप्रियता कायम असल्याचं पाहायला मिळतं.

‘खुद्दार’ चित्रपटात गोविंदासोबत करिश्मा कपूर मुख्य भूमिकेत होती. इक्बाल दुर्रानी यांच्या दिग्दर्शनाखाली तयार झालेल्या या चित्रपटात कादर खान, शक्ती कपूर, श्रीराम लागू यांच्यासह अनेक कलाकारांनी महत्त्वाच्या भूमिका साकारल्या होत्या.

आजही या गाण्याची प्रचंड क्रेझ

राहत इंदौरी यांनी केवळ ‘तुमसा कोई प्यारा कोई मासूम नहीं है’च नाही, तर ‘नींद चुराई मेरी’, ‘चोरी चोरी जब नजरें मिलीं’, ‘दिल को हजार बार रोका’, ‘ऐं बोले तो’, ‘ये रिश्ता क्या कहलाता है’ आणि ‘कोई जाए तो ले आए’ यांसारखी लोकप्रिय गाणीही लिहिली. त्यांच्या शब्दांना संगीताची सुरेख साथ मिळाल्यामुळे त्यांची अनेक गाणी आजही रसिकांच्या लक्षात आहेत.

विशेष म्हणजे, काळ बदलला, संगीताच्या आवडी बदलल्या आणि गाण्यांच्या सादरीकरणाची माध्यमंही बदलली; मात्र राहत इंदौरींच्या शब्दांमधील प्रेमाची भावना आजही तितकीच ताजी वाटते. त्यामुळेच ‘तुमसा कोई प्यारा कोई मासूम नहीं है’ हे गाणं आजही 90 च्या दशकातील संगीताची आठवण करून देत रसिकांच्या मनात घर करून आहे.