ना कोणतं सबस्क्रिप्शन, ना एकही रुपया खर्च, 7 भागांची ही सीरीज पाहण्यासाठी प्रेक्षकांची गर्दी, IMDb रेटिंग जबरदस्त

सध्याच्या काळात ओटीटीवर दर आठवड्याला अनेक नवीन चित्रपट आणि वेब सीरिज प्रदर्शित होतात. मात्र, या वेब सीरिज पाहण्यासाठी प्रेक्षकांना वेगवेगळ्या ओटीटी प्लॅटफॉर्मचे मासिक किंवा वार्षिक सबस्क्रिप्शन घ्यावे लागते. पण आता अशा प्रेक्षकांसाठी एक खास वेब सीरिज आहे जी पूर्णपणे मोफत पाहता येते.

ही वेब सीरिज म्हणजे ‘वेटिंग है’. दिव्येंदु शर्मा आणि हर्षिता गौर यांच्या प्रमुख भूमिका असलेल्या या सीरिजमध्ये सस्पेन्स, क्राईम आणि कॉमेडीचा उत्तम मिलाफ पाहायला मिळतो. या सीरिजला IMDb वर 7 रेटिंग मिळाले आहे.

काय आहे ‘वेटिंग है’ची कथा?

‘वेटिंग है’ या वेब सीरिजची कथा रेल्वे पोलिसांच्या पार्श्वभूमीवर आधारित आहे. सुगम मिश्रा हा एक प्रामाणिक आणि कर्तव्यदक्ष रेल्वे पोलीस अधिकारी असतो. लग्नाच्या दुसऱ्याच दिवशी तो आपली ड्युटी जॉईन करतो.

नोकरीला सुरुवात केल्यानंतर सुगमसमोर अनेक आव्हाने उभी राहतात. आपल्या बुद्धिमत्तेच्या आणि प्रामाणिकपणाच्या जोरावर तो या अडचणींचा सामना करतो. दरम्यान, त्याला रेल्वे तिकिटांच्या काळाबाजाराची माहिती मिळते.

सुगम या प्रकरणाचा तपास सुरू करतो. तपासादरम्यान हा केवळ तिकिटांचा गैरव्यवहार नसून एक मोठा घोटाळा असल्याचे त्याच्या लक्षात येते. अनेक एजंट्सना पकडण्यात तो यशस्वी होतो; मात्र, या घोटाळ्याची व्याप्ती आणखी मोठी असल्याचे समोर येते. यानंतर सीरिजची कथा अधिक रंजक आणि उत्कंठावर्धक बनते.

दिव्येंदु शर्मा यांच्यासह दमदार स्टारकास्ट

‘वेटिंग है’ या सात भागांच्या वेब सीरिजमध्ये दिव्येंदु शर्मा आणि हर्षिता गौर यांच्या प्रमुख भूमिका आहेत. ‘मिर्झापूर’मधील मुन्ना भैया या भूमिकेमुळे लोकप्रिय झालेल्या दिव्येंदु शर्मा यांची हर्षिता गौरसोबतची केमिस्ट्री प्रेक्षकांना आवडत आहे.

या कलाकारांसोबतच भुवन अरोरा, कुमुद मिश्रा, यशपाल शर्मा, सुनीता राजवार, विजय मौर्य आणि प्रभाकर शर्मा हे कलाकारही महत्त्वाच्या भूमिकांमध्ये दिसतात.

कुठे पाहता येईल सीरिज?

‘वेटिंग है’ ही वेब सीरिज प्राइम व्हिडीओवरील एमएक्स प्लेयरवर उपलब्ध असल्याचे सांगितले जाते. ही सीरिज मोफत पाहता येत असल्यामुळे प्रेक्षकांना अतिरिक्त सबस्क्रिप्शनचा खर्च करावा लागत नाही.

क्राईम ड्रामा, सस्पेन्स आणि विनोदाचा आनंद घेऊ इच्छिणाऱ्या प्रेक्षकांसाठी ‘वेटिंग है’ हा एक पर्याय ठरू शकतो. सीरिजच्या शेवटी दडलेले रहस्य उलगडण्यासाठी प्रेक्षकांना सातही भाग पाहावे लागतील.