टप्पू सेनाचा लिडर, दयाबेन आणि जेठालालचा लाडका टप्पूडा झाला 26 वर्षांचा, भव्य गांधी याचे फोटो पाहून व्हाल हैराण

मुंबई : तारक मेहता का उल्टा चश्मा ही मालिका केल्या कित्येक वर्षांपासून चाहत्यांचे जोरदार मनोरंजन (Entertainment) करताना दिसत आहे. गेल्या पंधरा वर्षांपासून तारक मेहता का उल्टा चश्मा (Taarak Mehta Ka Ooltah Chashmah) ही मालिका प्रेक्षकांचे जोरदार मनोरंजन करत आहे. विशेष म्हणजे लहान्यांपासून ते मोठ्यांपर्यंत प्रत्येक वयोगटातील लोकांना ही मालिका प्रचंड आवडते. तारक मेहता का उल्टा चश्मा मालिकेतील टप्पू सेना ही नेहमीच चर्चेचा विषय असते. टप्पू सेना ही नेहमीच विविध उपक्रमांच्या माध्यमातून एक आदर्श समाजा पुढे ठेवण्याचा प्रयत्न करते. दिवाळीला अनाथ मुलांसोबत दिवाळी (Diwali) देखील साजरा करताना बऱ्याच वेळा टप्पू सेना ही दिसली आहे.

मालिकेच्या सुरूवातीला टप्पू आणि त्याची मित्र मंडळी ही वयाने लहान दाखवली होती. मात्र, आता टप्पू सेना ही मोठी झालीये. त्यांचे काॅलेज लाईफ देखील दाखवण्यात आले. टप्पू, सोनू, गोगी, पिंकू, गोली असे हे सदस्य टप्पू सेनामध्ये आहेत. मात्र, टप्पू सेनाचा बाॅस हा टप्पू हाच आहे. मालिकेत टप्पू हा जेठालाल आणि दयाबेनचा मुलगा दाखवला आहे.

भव्य गांधी हा मालिकेच्या सुरूवातीपासूनच टप्पू याची भूमिका साकारत होता. भव्य गांधी ज्यावेळी तारक मेहता का उल्टा चश्मा या मालिकेत टप्पूचे पात्र साकारत होता, त्यावेळी तो खूप लहान होता. विशेष म्हणजे टप्पू सर्वांचा आवडता देखील होता. काही वर्षांपूर्वीच भव्य गांधी याने तारक मेहता का उल्टा चश्मा या मालिकेला रामराम केला.

View this post on Instagram

A post shared by Bhavya Vinod Gandhi (@bhavyagandhi97)

भव्य गांधी याने जरी तारक मेहता का उल्टा चश्मा ही मालिका सोडली असली तरीही त्याची जबरदस्त अशी फॅन फाॅलोइंग ही सोशल मीडियावर बघायला मिळते. भव्य गांधी हा मोठ्या पडद्यापासून गेल्या काही वर्षांपासून तसा दूर आहे. मात्र, असे असताना देखील तो कायमच सोशल मीडियावर सक्रिय असतो आणि आपल्या चाहत्यांसाठी खास फोटो आणि व्हिडीओ शेअर करतो.

विशेष म्हणजे दयाबेन आणि जेठालालचा लाडका भव्य गांधी ऊर्फ टप्पू हा आता 26 वर्षांचा झाला आहे. विशेष म्हणजे आता टप्पू याला ओळखणे देखील नक्कीच अवघड झाले आहे. भव्य गांधी याला सोशल मीडियावर 6 लाख 44 हजार लोक फाॅलो करतात. भव्य गांधी याचे चाहते आता त्याच्या दणदणीत पुनरागमनाची वाट ही आतुरतेने बघताना दिसत आहेत.

तारक मेहता का उल्टा चश्मा ही मालिका सोडल्यापासून टप्पू हा मोठ्या पडद्यापासून दूर आहे. काही दिवसांपूर्वीच चर्चा होती की, भव्य गांधी याला एका मोठ्या चित्रपटाची आॅफर आली असून लवकरच भव्य गांधी हा चित्रपटामध्ये धमाका करताना दिसू शकतो. मात्र, नेमक्या कोणत्या चित्रपटात भव्य गांधी हा भूमिका करणार हे अद्याप कळू शकले नाहीये.