अभिनेत्रीला पाठवल्या न्यूड क्लिप्स, व्हिडीओ पाहून…अश्लील प्रकार पाहून हिरोईन हादरली!

३० वर्षांपूर्वी आलेल्या ‘पापी गुडिया’ या गाजलेल्या हॉरर चित्रपटातील अभिनेत्री पूनम दासगुप्ता यांनी मुंबईतील ओशिवारा पोलीस ठाण्यात तक्रार दाखल केली आहे. आपल्याला व्हॉट्सॲपवर सतत अश्लील व्हिडीओ आणि नग्न फोटो पाठवले जात असल्याचा गंभीर आरोप अभिनेत्रीने केला आहे. ही घटना 27 एप्रिल रोजी संध्याकाळी ६:३० च्या सुमारास घडली. त्यावेळी अभिनेत्री घरात होत्या.

नेमके प्रकरण काय?

मिळालेल्या माहितीनुसार, पूनम दासगुप्ता यांना काही अनोळखी क्रमांकांवरून आक्षेपार्ह मजकूर पाठवला जात होता. सुरुवातीला त्यांनी याकडे दुर्लक्ष केले, मात्र जेव्हा हा त्रास वाढतच गेला, तेव्हा त्यांनी पोलिसांची मदत घेण्याचा निर्णय घेतला. अभिनेत्रीच्या मते, अशा कृत्यांमुळे केवळ त्यांच्या गोपनीयतेचा (Privacy) भंग होत नाही, तर हा मानसिक छळाचाही प्रकार आहे. त्यांनी पोलिसांना त्या मेसेजेसचे स्क्रीनशॉट दिले असून, पोलिसांनी पाठवणाऱ्या व्यक्तीचा शोध सुरू केला आहे.

व्हॉट्सॲपवर आले अश्लील व्हिडीओ

पूनम दासगुप्ता यांनी आपल्या पतीसोबत या विषयावर चर्चा केल्यानंतर २९ एप्रिल रोजी ओशिवारा पोलीस ठाण्यात अधिकृत तक्रार नोंदवली. पोलिसांनी ‘भारतीय न्याय संहिते’च्या तरतुदींनुसार गुन्हा दाखल केला असून, त्या अज्ञात व्हॉट्सॲप क्रमांकामागील व्यक्तीची ओळख पटवण्याचे प्रयत्न सुरू केले आहेत.

ओळखीच्या व्यक्तीवर संशय

अभिनेत्रीने असाही आरोप केला आहे की, संबंधित व्यक्तीने तिचे अनेक जुने फोटो देखील पसरवले आहेत. “ते फोटो आता गुगलवर किंवा सार्वजनिकरीत्या कुठेही उपलब्ध नाहीत. त्यामुळे हा त्रास देणारा माणूस माझ्या ओळखीचाच असावा आणि तो मुद्दाम मला मानसिक त्रास देण्याचा प्रयत्न करत असावा,” असा संशय पूनम दासगुप्ता यांनी व्यक्त केला आहे.

कोण आहेत पूनम दासगुप्ता?

पूनम दासगुप्ता यांनी बंगाली सिनेसृष्टीत बालकलाकार म्हणून आपल्या करिअरची सुरुवात केली होती. त्यानंतर त्यांनी हिंदीसह मल्याळम, तमिळ आणि कन्नड चित्रपटांमध्येही काम केले आहे. ‘पापी गुडिया’मधील त्यांच्या भूमिकेची मोठी चर्चा झाली होती.