‘शूटिंग सोडून स्तनपान करायला…’, लेकीच्या जन्मानंतर आलिया भट्ट हिचं मोठं वक्तव्य

मुंबई | 24 नोव्हेंबर 2023 : अभिनेत्री आलिया भट्ट गेल्या काही दिवसांपासून तिच्या प्रोफेशनल आयुष्यामुळे नाही तर खासगी आयुष्यामुळे चर्चेत आहे. गेल्या वर्षी आलिया हिने लेकीला जन्म दिला. आलिया भट्ट आणि अभिनेता रणबीर कपूर कायम लेक राहा यांच्याबद्दल बोलताना दिसतात. नुकताच आलिया बॉलिवूडचा प्रसिद्ध दिग्दर्शक करण जोहर याच्या ‘कॉफी विथ करण’ शोमध्ये पोहोचली होती. तेव्हा आलिया हिने तिच्या खासगी आयुष्याबद्दल मोठे खुलासे केले. एवढंच नाही तर आलिया आणि रणबीर त्यांच्या व्यस्त वेळापत्रकातून लेकीचा सांभाळ करतात याबद्दल देखील आलिया हिने मौन सोडलं आहे. सध्या सर्वत्र फक्त आणि फक्त आलिया आणि रणबीर यांची लेक राहा कपूर हिच्याबद्दल चर्चा रंगत आहे.

कॉफी विथ करण शोमध्ये आलिया म्हणाली, जेव्हा अभिनेत्री ‘रॉकी और राणी की प्रेम कहाणी’ सिनेमाची शुटिंग सुरु होती, तेव्हा आलिया तिच्या लेकीसोबत काश्मीर याठिकाणी शुटिंग सुरु होती. सिनेमाची शुटिंग सुरु असताना आलिया हिला सतत लेकीला स्तनपान करायाल जावं लागायचं म्हणून आलिया शुटिंग सोडून राहा हिला स्पनपान करायला जायची..

पुढे अभिनेत्री म्हणाली, ‘मी पूर्णपणे त्रस्त झाली होती. मला काय करावं कळत नव्हतं… तेव्हा मी रणबीर याला फोन केला आणि त्याला सांगितलं हे सगळं सांभाळणं फार कठीण आहे….’ आलिया हिला येत असलेल्या अडचणी रणबीर याला कळल्यानंतर रणबीर काश्मीरमध्ये गेला आणि लेकीला सांभाळण्याची जबाबदारी अभिनेत्याने घेतली.

‘कॉफी विथ करण’ शोमध्ये आलिया हिने तिच्या खासगी आणि प्रोफेशनल आयुष्याबद्दल अनेक महत्त्वाच्या गोष्टी चाहत्यांसोबत शेअर केल्या. सांगायचं झालं तर आलिया सध्याच्या घडीची लोकप्रिय आणि प्रसिद्ध अभिनेत्री आहे. चाहते देखील अभिनेत्रीच्या आगामी सिनेमाच्या प्रतीक्षेत असतात.

सोशल मीडियावर देखील आलिया हिने अनेक फोटो आणि व्हिडीओ व्हायरल होत असतात. सोशल मीडियावर आलिया हिच्या चाहत्यांची संख्या देखील फार मोठी आहे. चाहत्यांच्या संपर्कात राहण्यासाठी देखील आलिया स्वतःचे फोटो आणि व्हिडीओ सोशल मीडियावर पोस्ट करत असते. चाहते अभिनेत्रीच्या पोस्टवर लाईक्स आणि कमेंटचा वर्षाव करत असतात.