छोट्या शेफ ‘राहा’ ने आई आलिया भट्टसाठी बनवलं 7 कोर्स जेवण, पोस्ट पाहून चाहते म्हणाले, खूपच छान
आलिया भट्टने लेक राहाचे कौतुक करणारा एक फोटो सोशल मीडियावर पोस्ट केला आहे. राहाने आईसाठी म्हणजे आलियासाठी चक्क जेवण बनवलं आहे आणि तिला डायनिंग टेबलवर तिला वेगवेगळ्या डिशमध्ये जेवण वाढल्याचं दिसत आहे.
बॉलिवूडमध्ये जे कुटुंब प्रसिद्ध आहेत त्यांच्यातील एक म्हणजे कपूर कुटुंब. कपूर कुटुंब सतत या ना त्या कारणाने चर्चे असतं. त्यात रणबीर कपूर आणि आलिया भट्ट हे सातत्याने चर्चेत असतात. आणि आता त्यांच्यासोबत अजून एक व्यक्ती आता पापाराझांची लाडकी झाली आहे ती म्हणजे राहा कपूर. आलिया आणि रणबीरसोबतच राहा देखील मीडियासाठी महत्त्वाची आहे. आलिया राहासोबतचे फोटो तिच्या सोशल मीडियावर पोस्ट करत असायची पण आता ती शक्यतो सुरक्षेच्या कारणास्तव राहाचे फोटो शेअर करणे टाळते.
आलियासाठी लेकीने बनवले 7 कोर्स जेवण
पण आलियाने आता लेकीचे कौतुक करणारा एक फोटो सोशल मीडियावर शेअर केला आहे. हा फोटो पाहून सर्व नेटकऱ्यांनी तिचे कौतुक केलं आहे. आलियाच्या लेकीने चक्क तिच्यासाठी जेवण तयार केलं आहे. दोन वर्षांच्या राहाने आलियासाठी तयार केलेल्या जेवणाचा फोटो सोशल मीडियावर पोस्ट करून आलियाने पोस्टला कॅप्शन दिले आहे की, “माझ्या आवडत्या शेफने प्रेमाने माझ्यासाठी 7 कोर्स जेवण बनवलं आहे.”या फोटोत एक सुंदर समजवलेला डायनिंग टेबल दिसत आहे. ज्यामध्ये खेळण्याच्या रंगीबेरंगी मातीपासून जेवणाचे पदार्थ बनवलेले दिसत आहे. आलिया-रणबीरच्या दोन वर्षांच्या मुलीने तिच्या कल्पनेनुसार जेवण बनवल्याचे दिसत आहे. त्या पोस्टवर नेटकऱ्यांनी भरभरून प्रेम दिलं आहे.
Alia Bhatt daughter Raha cooked
आलियाने राहाची फोटोग्राफीचीही एक बाजू देखील दाखवली
आलिया-रणबीरची लेक नेहमीत काहीना काही कारणांनी चाहत्यांची मने जिंकत असते. ती तिच्या आई-वडिलांबरोबर दिसते, तेव्हादेखील ती पापाराझींचे आणि चाहत्यांचे लक्ष वेधून घेते. तिचे व्हिडीओ सोशल मीडियावर व्हायरल झाल्याचे पाहायला मिळतात. आलियाने राहाची फोटोग्राफीची एक बाजू देखील दाखवली जेव्हा तिने राहने आलियाचा तिची मांजर एडवर्डसोबतचा फोटो काढला होता. हा फोटो शेअर करत आलियाने लिहिले कॅप्शनमध्ये लिहिलं होतं की, “माझ्या एका राजकुमारीसोबतचा फोटो, जो माझ्या राजकुमारीने क्लिक केला आहे.”
मुलीच्या सुरक्षिततेसाठी आलिया-रणबीरने घेतलेला एक निर्णय
आलिया आणि रणबीर कपूर यांनी अनेक वर्षे डेटिंग केल्यानंतर एप्रिल 2022 मध्ये लग्न केलं होतं. त्यांची मुलगी राहाचा जन्म नोव्हेंबर 2022 मध्ये झाला. 2023 च्या ख्रिसमसला, रणबीर आणि आलियाने राहाला मीडियासमोर आणलं. अलिकडेच, आलियाने तिच्या सोशल मीडियावरून तिच्या लेकीचे सर्व फोटो काढून टाकले ज्यात तिचा चेहरा दिसत होता. हे पाहून चाहते चिंतेत पडले, पण नंतर मुलीच्या सुरक्षिततेसाठी त्यांनी हा निर्णय घेतला असल्याचं सांगितलं.
