Amitabh Bachchan | जया बच्चन यांच्या नकळत बिग बींकडून व्हिडीओ शूट; नेटकरी म्हणाले ‘आता काही खरं नाही’
जया बच्चन यांच्या परवानगीशिवाय कोणीही फोटो किंवा व्हिडीओ शूट करणं त्यांना अजिबात आवडत नाही. यामुळे अनेकदा त्या पापाराझींवर भडकताना दिसतात. मात्र हेच काम आता त्यांचे पती अमिताभ बच्चन यांनी केलं आहे.
मुंबई | 7 सप्टेंबर 2023 : ज्येष्ठ अभिनेत्री जया बच्चन या नेहमी कॅमेरापासून दूरच राहणं पसंत करतात. परवानगीशिवाय फोटो आणि व्हिडीओ काढणाऱ्या पापाराझींना त्या नेहमीच ओरडताना, त्यांच्यावर चिडताना दिसून येतात. त्यांच्या संमतीशिवाय कोणीही फोटो किंवा व्हिडिओ शूट केलेलं त्यांना अजिबात आवडत नाही. मात्र एका व्यक्तीने त्यांच्या परवानगीशिवाय नुकतंच हे काम केलं आहे. ही व्यक्ती दुसरी-तिसरी कोणी नसून बॉलिवूडचे महानायक आणि जया बच्चन यांचे पती अमिताभ बच्चन आहेत. बिग बींनी इंस्टाग्रामवर एक व्हिडिओ शेअर केला आहे. हा व्हिडिओ कुठल्यातरी सेटवरचा असल्याचं पाहायला मिळत आहे. या व्हिडिओमध्ये अमिताभ बच्चन हे त्यांच्या फोनमध्ये व्हिडीओ शूट करताना दिसत आहेत. त्याविषयी आधी जया बच्चन यांना पुसटशीही कल्पना नसते. मात्र जेव्हा त्यांची नजर फोनच्या कॅमेराकडे वळते तेव्हा त्यांच्या चेहऱ्यावर स्मितहास्य झळकून येतं.
बिग बींनी पोस्ट केलेल्या या स्लो मोशन व्हिडीओवर नेटकऱ्यांकडून लाइक्स आणि कमेंट्सचा वर्षाव होत आहे. जया यांच्या परवानगीशिवाय फक्त अमिताभजीच त्यांचा फोटो किंवा व्हिडीओ शूट करू शकतात, असं अनेकांनी कमेंट्समध्ये म्हटलंय. 6 सप्टेंबर रोजी बिग बींनी त्यांच्या इन्स्टाग्राम अकाऊंटवर हा व्हिडीओ पोस्ट केला आहे. दोघंही एका ब्रँडसाठी एकत्र शूटिंग करत होते. सेटवर दोघं तयार होऊन बसले असताना बिग बींनी हा व्हिडीओ शूट केला. त्यावर सर्वसामान्यांसह अर्चना पूरण सिंह, मौनी रॉय यांसारख्या सेलिब्रिटींकडूनही कमेंट्सचा वर्षाव होत आहे. जया बच्चन नेहमी पापाराझींना ओरडताना दिसतात, मात्र जेव्हा अमिताभ बच्चन त्यांना न विचारता व्हिडीओ शूट करतात, तेव्हा त्यांच्या चेहऱ्यावर आपसूकच हसू येतं, असंही काहींनी म्हटलंय.
पहा व्हिडीओ
View this post on Instagram
एका युजरने लिहिलं, ‘फक्त अमितजींमध्येच जयाजींना क्लिक करण्याची हिंमत आहे.’ तर दुसऱ्या युजरने म्हटलंय, ‘तुम्ही त्यांना विचारल्याशिवाय व्हिडीओ शूट केला. आता घरी गेल्यानंतर तुमचं काही खरं नाही.’ आणखी एका नेटकऱ्याने लिहिलं, ‘तुमची पत्नी फार क्वचित हसते. तुम्हीच हे संभव करून दाखवलंय.’ जया बच्चन यांना फोटो काढायला आवडत नसल्याची गोष्ट जगजाहीर आहे. त्यांचे रागावतानाचे आणि चिडतानाचे अनेक व्हिडीओ सोशल मीडियावर व्हायरल झाले आहेत.
