भरभराटीच्या काळात अभिनेत्रीवर उठल्या अफवा, ‘बिनलग्नाची आई’ म्हणून झाली ओळख
छोट्या पडद्यावरील लोकप्रिय अभिनेत्री जिची बिनलग्नाची आई म्हणून सोशल मीडियावर रंगलेली प्रचंड चर्चा. झालेली प्रचंड बदनामी. कोण आहे ती अभिनेत्री?
छोट्या पडद्यावरील लोकप्रिय अभिनेत्री अविका गौर हिने 'बालिका वधू' मालिकेतून घराघरात ओळख निर्माण केली. मात्र, यशाबरोबरच तिला अनेक अफवांचाही सामना करावा लागला. विशेष म्हणजे, ती बिनलग्नाची आई झाली असल्याच्या खोट्या चर्चांमुळे तिची मोठ्या प्रमाणात बदनामी झाली होती.
'बालिका वधू'नंतर अविकाने 'ससुराल सिमर का' या मालिकेत अभिनेता मनीष रायसिंघनसोबत काम केले. या मालिकेदरम्यान दोघांच्या अफेअरच्या चर्चा रंगू लागल्या. अनेकांनी त्यांच्या लग्नाच्याही चर्चा सुरू केल्या. मात्र, अविका आणि मनीष यांनी नेहमीच एकमेकांना चांगले मित्र असल्याचे स्पष्ट केले.
याच काळात सोशल मीडियावर आणि मनोरंजन विश्वात अशीही अफवा पसरली की, अविका गौरने मनीष रायसिंघनच्या मुलाला जन्म दिला असून ही गोष्ट लपवली जात आहे. या निराधार चर्चांमुळे दोघांनाही धक्का बसला.
अखेरीस अविकाने या अफवांवर स्पष्ट भूमिका घेत सांगितले की, तिचे आणि मनीषचे नाते केवळ मैत्रीचे आहे. बिनलग्नाची आई झाल्याची चर्चा पूर्णपणे खोटी असून त्यात कोणतेही तथ्य नाही.
अविकाच्या कुटुंबीयांपर्यंतही या अफवा पोहोचल्या होत्या. मात्र, त्यांनी या चर्चांकडे गांभीर्याने न पाहता त्या केवळ हास्यास्पद असल्याची प्रतिक्रिया दिली. दरम्यान, अविका गौरने 'पति पत्नी और पंगा' या रिअॅलिटी शोमध्ये तिचा बॉयफ्रेंड मिलिंद चंदवानीसोबत सहभाग घेतला होता. शोमधील एका प्रतीकात्मक विवाहसोहळ्यानंतर तिच्या प्रेग्नन्सीबाबतही अफवा पसरल्या होत्या. मात्र, त्यालाही कोणताही तथ्याधार नव्हता.
