BB Marathi: कोकण हार्टेड गर्लसोबत निक्कीचं कडाक्याचं भांडण; कोण जाणार घराबाहेर?
बिग बॉस मराठीचा नवीन सिझन सुरू होऊन अवघे चार दिवस झाले आहेत आणि चौथ्याच दिवशी नॉमिनेशन टास्क पार पडणार आहे. या टास्कदरम्यान कोकण हार्टेड गर्ल अंकिता आणि निक्की तांबोळीचं कडाक्याचं भांडण झालं.
छोट्या पडद्यावरील अत्यंत वादग्रस्त आणि तितकाच लोकप्रिय रिअॅलिटी शो ‘बिग बॉस मराठी’ला नुकतीच सुरुवात झाली आहे. यंदाच्या सिझनचं सूत्रसंचालन अभिनेता रितेश देशमुख करत असून घरातील स्पर्धकांनी शोची उत्सुकता वाढवली आहे. यंदा बरेच सोशल मीडिया स्टार बिग बॉस मराठीच्या घरात स्पर्धक म्हणून सहभागी झाले आहेत. बिग बॉस हा शो त्यातील टास्कशिवाय अपूर्ण आहे. स्पर्धकांना घरात टिकून राहण्यासाठी हुशारीने टास्क खेळावेच लागतात. प्रीमियरपासूनच ‘बिग बॉस’ स्पर्धकांना पेचात पाडत आहे. ‘बिग बॉस मराठी’च्या नव्या सिझनमध्ये पहिल्या एपिसोडपासून भांडण, राडे, धमाल, मजा-मस्ती हे सर्व पहायला मिळत असून प्रेक्षकांचं भरभरून मनोरंजन होत आहे. ‘बिग बॉस मराठी’ सुरू होऊन चार दिवस पूर्ण झाले असून चौथ्या दिवशीच घरात पहिलं नॉमिनेशन कार्य पार पडणार आहे.
‘बिग बॉस मराठी’च्या नव्या सिझनमध्ये आज नॉमिनेशन कार्याचा शुभारंभ होणार आहे. याबाबतचा प्रोमोदेखील सोशल मीडियावर पोस्ट करण्यात आला आहे. ‘नॉमिनेशनची तोफ’ असं या पहिल्या नॉमिनेशन कार्याचं नाव आहे. प्रतिस्पर्ध्याला घराबाहेर काढण्यासाठी ‘बिग बॉस’ने ‘नॉमिनेशन तोफ’ या कार्याचा अवलंब केला आहे. पहिल्याच कार्यादरम्यान ‘कोकण हार्टेड गर्ल’ अंकिता वालावलकर आणि हिंदी मनोरंजनसृष्टीतील लोकप्रिय अभिनेत्री निक्की तांबोळी यांच्यात कडाक्याचं भांडण झालेलं पाहायला मिळणार आहे.
View this post on Instagram
टास्कसाठी भिडताना अंकिता आणि निक्कीमध्ये धक्काबुक्की आणि बाचाबाचीदेखील झालेली पाहायला मिळेल. राड्यादरम्यान हे दोन सदस्य टास्क कसा पूर्ण करणार हे पाहणं मनोरंजक ठरेल. ‘बिग बॉस मराठी’च्या नव्या सिझनमध्ये पहिल्या आठवड्यात कोणते सदस्य सुरक्षित होणार आणि कोणते सदस्य नॉमिनेट होणार याची चाहत्यांना उत्सुकता लागली आहे. एक घर, 100 दिवस आणि 16 स्पर्धकांचा प्रवास आता सुरू झाला आहे. त्यामुळे प्रेक्षकांना मनोरंजनाची चांगलीच मेजवानी मिळत आहे.
या नव्या सिझनमध्ये स्पर्धक म्हणून वर्षा उसगांवकर, कोकण हार्टेड गर्ल अंकिता वालावलकर, निखिल दामले, पंढरीनाथ कांबळे, योगिता चव्हाण, जान्हवी किल्लेकर, अभिजीत सावंत, घन:श्याम दरवडे, इरिना रूडाकोवा, निकी तांबोळी, अरबाज पटेल, वैभव चव्हाण, आर्या जाधव, धनंजय पोवार, पुरुषोत्तमदादा पाटील, सूरज चव्हाण यांनी भाग घेतला आहे.
