Bigg Boss Marathi Grand Finale Live Updates: सस्पेन्स वाढला, बिग बॉस मराठी 6 चे शेवटचे टॉप 2 स्पर्धक कोण?

बिग बॉस मराठी सीजन 6 च्या फिनालेला सुरुवात झाली आहे. यामध्ये शेवटचे पाच स्पर्धक हे गाण्यावर डान्स करताना दिसत आहे. यामध्ये एका स्पर्धकाने धुरंधर 2 मधील गाण्यावर डान्स केला आहे.

‘बिग बॉस मराठी 6’च्या महाअंतिम सोहळ्याची सुरुवात भावूक वातावरणात झाली. होस्ट रितेश देशमुखने दिवंगत गायिका आशा भोसले यांना श्रद्धांजली अर्पण केली. यावेळी त्याने आशा भोसले यांचं निधन हे संगीत क्षेत्रासाठी मोठं नुकसान असल्याचं सांगत, त्यांचा आवाज आजही प्रत्येकाच्या हृदयात कायम घुमत राहील अशा भावना व्यक्त केल्या.

‘बिग बॉस मराठी 6’चा सहावा सिझन आता अंतिम टप्प्यात पोहोचला असून आता सर्वांचं लक्ष विजेता कोण होणार आणि ट्रॉफी कुणाच्या घरी जाणार याकडे लागलं आहे. अशातच सोशल मीडियावरील चर्चेनुसार तन्वी कोलते सध्या आघाडीवर असल्याची माहिती आहे. तर विशाल कोटीयन उपविजेतेपदासाठी स्पर्धेत असल्याचं बोललं जात आहे. मात्र, विजेता आणि उपविजेता यांची अधिकृत घोषणा आजच्या महाअंतिम सोहळ्यातच होणार आहे.

‘बिग बॉस मराठी 6’च्या महाअंतिम सोहळ्यापूर्वी विजेत्याच्या ट्रॉफीचे भव्य अनावरण करण्यात आले आहे. आकर्षक डिझाइन आणि खास थीम असलेली ही ट्रॉफी यंदाच्या सीझनचे वैशिष्ट्य ठरणार आहे. ट्रॉफीची झलक समोर आल्यानंतर प्रेक्षकांमध्ये उत्सुकता आणखी वाढली असून, आता सीजन 6 चा विजेता कोण होणार? याकडे सर्वांचे लक्ष लागले आहे.

‘बिग बॉस मराठी 6’मध्ये स्पर्धा रंगत असतानाच अनेक स्पर्धकांचा प्रवास संपला आहे. आतापर्यंत राधा पाटील, सोनाली राऊत, दिव्या शिंदे, ओंकार राऊत, आयुष साळुंखे, करण सोनावणे, सचिन कुमावत, रुचिता जामदार, रोशन भजंकर, प्रभू शेळके, संकेत पाठक, सागर कारंडे, संस्कृती आणि राखी सावंत हे स्पर्धक घराबाहेर पडले आहेत. स्पर्धा आता अंतिम टप्प्यात पोहोचली असून विजेतेपदासाठी उरलेल्या स्पर्धकांमध्ये चुरस अधिकच वाढली आहे.

‘बिग बॉस मराठी 6’च्या माजी स्पर्धक सोनाली राऊत हिने शोमधील राहणीमानावर प्रश्नचिन्ह उपस्थित केले आहे. तिने घर अस्वच्छ आणि जेवणाबाबत गंभीर आरोप करत निर्मात्यांना नोटीस पाठवली आहे.

बिग बॉस मराठी सीजन 6 च्या फिनालेला काही मिनिटे शिल्लक असतानाच मोठी माहिती समोर आली आहे. बिग बॉस सीजन 6 चा विजेता म्हणून सोशल मीडियावर चर्चा रंगलेला राकेश बापट हा पाच लाख रुपये घेऊन बाहेर पडणार असल्याची माहिती समोर येत आहे. तसं नवीन आलेल्या प्रोमोमध्ये दिसत आहे.

‘बिग बॉस मराठी 6’च्या फिनालेपूर्वी नवा प्रोमो समोर आल्यानंतर चर्चांना उधाण आलं आहे. या प्रोमोमध्ये अभिनेता राकेश बापट ब्रीफकेस टास्कदरम्यान बझरकडे जाताना दिसत आहे. यामुळे सोशल मीडियावर तो 5 लाख रुपयांची ब्रीफकेस स्वीकारून शोमधून बाहेर पडणार का, याबाबत जोरदार चर्चा सुरू झाली आहे. मात्र, याबाबतची अधिकृत माहिती फिनालेमध्येच स्पष्ट होणार आहे.

‘बिग बॉस मराठी 6’च्या ग्रँड फिनालेपूर्वी मोठी चर्चा रंगली आहे. सूत्रांच्या माहितीनुसार दिपाली सय्यद या पाचव्या स्थानावर एलिमिनेट झाल्याचं बोललं जात आहे. मात्र, याबाबत अद्याप अधिकृत घोषणा झालेली नाही. शो सुरू झाल्यानंतरच याची स्पष्ट माहिती समोर येणार आहे.

‘बिग बॉस मराठी 6’च्या महाअंतिम सोहळ्यात पोहोचलेल्या टॉप-5 स्पर्धकांची घोषणा करण्यात आली आहे. यामध्ये ‘शेरनी’ म्हणून ओळखली जाणारी अनुश्री माने, ‘क्वीन ऑफ बिग बॉस’ तन्वी कोलते, ‘रणरागिणी’ दिपाली सय्यद, ‘मास्टरमाइंड’ विशाल कोटीयन आणि ‘जेंटलमन’ राकेश बापट यांचा समावेश आहे. या पाचही स्पर्धकांमधून आता विजेतेपदासाठी जोरदार चुरस पाहायला मिळणार असून प्रेक्षकांची उत्सुकता शिगेला पोहोचली आहे.

‘बिग बॉस मराठी 6’च्या महाअंतिम सोहळ्यात प्रेक्षकांना खास सरप्राईज मिळणार आहे. वाइल्डकार्ड स्पर्धक म्हणून चर्चेत राहिलेली राखी सावंत ग्रँड फिनालेमध्ये दमदार डान्स परफॉर्मन्स सादर करणार आहे. राखीने शोदरम्यान आपल्या वेगळ्या अंदाजाने आणि वादग्रस्त वागण्यामुळे चांगलीच रंगत आणली होती. आता ती किकमधील ‘यार ना मिले’ या गाण्यावर थिरकताना दिसणार असून तिच्या परफॉर्मन्समुळे फिनालेची रंगत आणखी वाढणार आहे.

‘बिग बॉस मराठी 6’चा बहुप्रतीक्षित महाअंतिम सोहळा आज रंगणार आहे. यावेळी शोचा होस्ट रितेश देशमुख विजेत्याची घोषणा करणार आहे. विशेष म्हणजे या ग्रँड फिनालेमध्ये अभिषेक बच्चन आणि जेनेलिया देशमुख हे दोघेही रितेशसोबत मंचावर झळकणार आहेत. त्यांच्या उपस्थितीमुळे अंतिम सोहळ्याची रंगत आणखी वाढणार असून प्रेक्षकांना खास मनोरंजनाची मेजवानी मिळणार आहे.

बिग बॉस मराठी सीझन 6 चा फिनाले काही तासांमध्ये सुरु होणार आहे. अशातच आता बिग बॉसमधून मोठी माहिती समोर आली आहे. फिनालेला काही तास शिल्लक असतानाच एक प्रोमो समोर आला आहे. यामध्ये रितेश देशमुख छोटी बॅग घेऊन दिसत आहे. यामध्ये 5 स्पर्धकांना ऑफर देण्यात येते. जो स्पर्धक बजर दाबेल आणि एलिमिनेट करेल त्याला 5 लाख रुपये देण्यात येतील. हे ऐकून उभे राहिलेल्या पाच स्पर्धकांमधून राकेश बापट पुढे येत असल्याचं पाहायला मिळत आहे. त्यामुळे तो एलिमिनेट होणार का? अशी चर्चा रंगली आहे.

बिग बॉस मराठी सीजन 6 चा विजेता कोण ठरणार हे आज रात्री 8 वाजता ठरणार आहे. अशातच आता अभिनेता विशाल कोटियन हा बिग बॉस मराठी सीजन 6 चा विजेता होणार असल्याची चर्चा सुरु झाली आहे. गेल्या आठवड्यापासून सोशल मीडियावर विशालला विजेता घोषित करण्यात आलं आहे. त्यामुळे विशाल सध्या प्रचंड चर्चेत आला आहे.

बिग बॉस मराठी सीजन 6 मध्ये अनेक स्पर्धकांमध्ये भाडणं झाली पण सर्वात मोठं भाडणं हे राकेश बापट आणि विशाल कोटियन यांच्यात झालं होतं.

गेल्या अनेक दिवसांपासून सुरु असणारा लोकप्रिय रिॲलिटी शो बिग बॉस मराठीचा सहावा सीझन आज संपणार आहे. आज या शोचा ग्रँड फिनाले पार पडणार आहे. हा फिनाले तुम्ही कलर्स मराठीवर रात्री 8 वाजल्यापासून पाहू शकता किंवा जिओ हॉटस्टारवर देखील हा फिनाले पाहू शकता.

‘बिग बॉस मराठी’च्या सहाव्या सिजनच्या ग्रँड फिनालेला अवघे काही तास शिल्लक राहिले आहेत. आज 19 एप्रिल 2026 रोजी रात्री 8:00 वाजल्यापासून कलर्स मराठी वाहिनीवर हा ग्रँड फिनाले प्रसारित होणार आहे.