अक्षय कुमार याने केला अखेर त्याच्या लग्नाबद्दल मोठा खुलासा, म्हणाला, ट्विंकल आणि मी…

बॉलिवूड अभिनेता अक्षय कुमार हा फक्त त्याच्या चित्रपटांमुळेच नाही तर त्याच्या खासगी आयुष्यामुळेही कायमच चर्चेत असतो. अक्षय कुमारचे एका मागून एक चित्रपट रिलीज होताना दिसत आहेत. विशेष म्हणजे आपल्या आगामी चित्रपटाचे जोरदार प्रमोशन करतानाही अक्षय कुमार हा दिसतोय. नुकताच अक्षय कुमार हा बिग बॉस मराठी सीजन 5 मध्ये पोहोचला होता. यावेळी घरातील सदस्यांसोबत धमाल करतानाही अक्षय कुमार हा दिसला. अक्षय कुमार सोशल मीडियावरही चांगलाच सक्रिय दिसतो आणि आपल्या चाहत्यांसाठी खास फोटो आणि व्हिडीओ शेअर करतो. अक्षय कुमार याची संपत्ती फक्त भारतामध्येच नाही तर विदेशातही मोठ्या प्रमाणात आहे.

आता नुकताच अक्षय कुमार याने एक मुलाखत दिलीये. या मुलाखतीमध्ये काही मोठे खुलासे करताना अक्षय कुमार हा दिसतोय. विशेष म्हणजे या मुलाखतीमध्ये अक्षय कुमार हा पत्नी ट्विंकल खन्ना हिच्याबद्दल बोलताना दिसला. अक्षय कुमार हा म्हणाला की, मी आणि माझी पत्नी दोघेही एकमेकांपेक्षा खूप जास्त वेगळे आहोत. मी उजवीकडचा विचार करतो आणि ती डावीकडचा. 

आमच्या दोघांमध्ये एकच अशी गोष्टी आहे, जी एकसारखी आहे…दोघांना पण रात्री लवकर झोपायला आवडते आणि सकाळी लवकर उठायला. बाकी याशिवाय आम्हाला लूडो आणि काही गेम खेळायला आवडतात. याशिवाय आमच्यामध्ये एकही गोष्ट सारखी अजिबात नाहीये. परंतू, नात्यामध्ये या गोष्टी जास्त महत्वाच्या नाहीत.

पुढे अक्षय कुमार हा म्हणाला की, जर तुमचे तुमच्या जोडीदारासोबतचे 36 पैकी 35 जरी गुण नाही मिळाले तरीही चालतात. फक्त एकच गुण जुळायला पाहिजे तो 1 गुण म्हणजे दोघांनीही एकमेकांचा सन्मान करणे. हा एकच गुण त्या 36 गुणांची बरोबरी करतो. थोडक्यात काय तर अक्षय कुमार याचे म्हणणे आहे की, कायमच आपल्या जोडीदाराचा सन्मान करा.

अक्षय कुमार आणि ट्विंकल खन्ना यांनी 2001 मध्ये लग्न केले. ट्विंकल खन्ना हिच्यासोबत लग्न करण्याच्या अगोदर अक्षय कुमार हा बॉलिवूड अभिनेत्री शिल्पा शेट्टी हिला डेट करत होता. हेच नाही तर शिल्पा शेट्टी हिच्यासोबत अक्षय कुमार लग्न करणार असल्याचेही सांगितले जाते. मात्र, ट्विंकल खन्ना हिच्यासोबत अक्षय कुमार याने लग्न केले. शिल्पा शेट्टी हिने अक्षय कुमार याच्यावर काही आरोपही केले होते.