ऐश्वर्या रायच्या स्टार अभिनेत्यावर टॉयलेट साफ करण्याची वेळ, पेट्रोल पंपावर केलं काम कारण… आज जगतोय असं आयुष्य

बॉलिवूडमध्ये ऐश्वर्या राय हिच्यासोबत स्क्रिन शेअर करणाऱ्यांची संख्या फार मोठी आहे. ऐश्वर्या हिच्यासोबत अनेक अभिनेत्यांनी काम केलं, ज्याचा त्यांना प्रचंड फायदा झाला. पण एक अभिनेता असा आहे, ज्याच्यावर कालांतराने टॉयलेट साफ करण्याची वेळ आहे. अभिनेत्याने फक्त ऐश्वर्या हिच्यासोबतच नाही तर, तब्ब, कमल हासम यांसारख्या प्रसिद्ध सेलिब्रिटींसोबत देखील स्क्रिन शेअर केली. 2000 ते 2006 पर्यंत सर्वत्र फक्त आणि फक्त अभिनेत्याची चर्चा होती. पण कालांतराने अभिनेता झगमगत्या विश्वापासून दूर झाला आणि त्यांच्या टॉयलेट साफ करण्याची वेळ आली. सध्या ज्या अभिनेत्याची चर्चा रंगली आहे, तो अभिनेता दुसरा तिसरा कोणी नाही तर, अभिनेता मिर्झा अब्बास अली आहे. चाहते अभिनेत्याला ‘अब्बास म्हणून ओळखतात.

अब्बास याने 1996 मध्ये प्रदर्शित झालेल्या ‘कधल देसम’ सिनेमातून अभिनय विश्वात पदार्पण केलं. त्यानंतर एका रात्रीत अब्बास प्रसिद्धी झोतात आला. एवढंच नाही तर, अब्बास याने टॉयलेट क्लीनर ब्रँडसाठी देखील जाहिरात केली. पण यासाठी अभिनेत्याला टीकेचा सामना करावा लागला. पण यशाच्या शिखरावर असलेल्या अब्बास याचे नशीब अचानक पलटलं. अभिनेत्याचे सिनेमे हीट होत नसल्यामुळे, निर्मात्यांनी देखील त्याच्याकडे पाठ फिरवली… त्यानंतर अब्बास याने बिझनेस करण्याचा विचार केला. पण त्याला यश मिळालं नाही.

दुबईत प्रॉपर्टी खरेदी करण्यासाठी गेलेल्या अब्बास याचं मोठं नुकसान झालं. त्याची परिस्थिती इतकी बिघडली की, त्यला निर्मात्यांकडून पैसे उधार घ्यावे लागले. तेच कर्ज फेडण्यासाठी अभिनेत्याला अनेक सिनेमांमध्ये मोफत काम करावं लागलं. पण याच कारणामुळे त्याच्या आर्थिक अडचणी देखील वाढत गेल्या. 2006 मध्ये अब्बास याला सिनेमांमध्या काम मिळणं बंद झालं. यामुळे अभिनेत्याला स्वतःचं फ्लॅट्स आणि जमीन देखील विकावी लागली.

अखेर त्रासलेला अब्बास भारत सोडून परदेशात गेला आणि त्याठिकाणी टॅक्सी ड्रायव्हर म्हणून काम करु लागला. एका मुलाखतीत अब्बास म्हणाला, ‘आर्थिक तंगीमुळे मी पेट्रोल पंपावर काम केलं. टॉयलेट देखील साफ केले.’ आयुष्यात मोठे संघर्ष आल्यानंतर देखील अब्बास याने माघार घेतली नाही.अखेर अभिनेता 2023 मध्ये ‘बिग बॉस तामिळ 7’ मध्ये दिसला. पण शोनंतर देखील त्याला कोणत्या सिनेमात काम मिळालं नाही.

पण सर्वात आनंदाची गोष्ट म्हणजे, अब्बास याची प्रतिक्षा अखेर संपली. अनेक वर्षांनंतर, ‘प्राइम व्हिडिओ’वरील तमिळ क्राईम थ्रिलर मालिका ‘एक्झाम’ (Exam) मध्ये तो जेलरची भूमिका साकारताना दिसला. या भूमिकेसाठीही त्याचं खूप कौतुक झालं.