मलायका अरोरा आणि अर्जुन कपूरचं ब्रेकअप? सोशल मीडियावर चर्चांना उधाण
मलायका आणि अर्जुनला बऱ्याचदा एकत्र स्पॉट केलं जातं. एकमेकांसोबत फिरायला गेल्यावर ते फोटो शेअर करत असतात. पण सध्या ते एकमेकांसोबत दिसत नाहीत. त्यामुळे त्यांचं ब्रेकअप तर झालं नाही ना, अशी चर्चा सध्या रंगलीये.
अभिनेत्री मलायका अरोरा (malaika arora) आणि अभिनेता अर्जुन कपूर (arjun kapoor) हे बॉलिवूडचं हॉट अॅण्ड बोल्ड कपल सतत कुठल्याना कुठल्या कारणाने चर्चेत असतं. मलायका आणि अर्जुन हे बॉलिवूडमधल्या सर्वाधिक चर्चेत असणाऱ्या जोड्यांपैकी एक आहेत. त्यांच्या डेटिंगपासून ते त्यांच्या अफेअरपर्यंत सगळ्याच गोष्टींची चर्चा होते. सध्या मलायका आणि अर्जुनच्या ब्रेकअपची जोरदार चर्चा सिनेवर्तुळात रंगली आहे.
मलायका आणि अर्जुनला बऱ्याचदा एकत्र स्पॉट केलं जातं. एकमेकांसोबत फिरायला गेल्यावर ते फोटो शेअर करत असतात. पण सध्या ते एकमेकांसोबत दिसत नाहीत. त्यामुळे त्यांचं ब्रेकअप तर झालं नाही ना, अशी चर्चा सध्या रंगलीये. आता जर बातमी खरी असेल तर मलायका-अर्जुनच्या चाहत्यांसाठी ही बॅड न्यूजच आहे.
मलायका अरोरा आणि अभिनेता अरबाज खान(arabaz khan) यांनी 19 वर्षांच्या संसारानंतर 2017 ला एकमेकांपासून वेगळं होण्याचा निर्णय घेतला. अरबाजशी काडीमोड घेतल्यानंतर मलायला आणि अर्जुनच्या अफेअरची चर्चा रंगली. या दोघांना सतत एकत्र स्पॉट केलं जाऊ लागलं.
वयातील अंतरामुळे मलायका आणि अर्जुन ट्रोल
मलायका आणि अर्जुन यांच्यात 12 वर्षांचं अंतर आहे. अर्जुन मलायकापेक्षा 12 वर्षांनी लहान आहे. त्यांच्या वयातील अंतरामुळे नेटकरी त्यांना ट्रोल करताना दिसतात. यावर अर्जुनने काही दिवसांपूर्वी स्पष्टीकरण दिलं होतं. आम्ही दोघंही ट्रोलर्सकडे लक्ष देत नाही. त्या कमेंट आम्ही वाचत देखील नाही, असं त्यानं म्हटलं होतं.
मलायका आणि अर्जुन यांच्या ब्रेकअपची सध्या जोरदार चर्चा आहे. यावर आता मलायला आणि अर्जुन काय स्पष्टीकरण देतात हे पाहणं महत्वाचं आहे.
संबंधित बातम्या