Aryan Khan Bail | आर्यन खानचा जामीन आदेश जारी, तुरुंगाबाहेर येण्यासाठी मान्य कराव्या लागल्या ‘या’ अटी!

मुंबई क्रूझ शिप ड्रग्ज प्रकरणात सुपरस्टार शाहरुखचा मुलगा आर्यन खान (Aryan Khan Drugs Case) याला जामीन मिळाल्यानंतर शुक्रवारी जामीन आदेशही जारी करण्यात आला आहे. तो आज (29 ऑक्टोबर) तुरुंगातून बाहेरही येऊ शकतो. आर्यनसह तीन आरोपींना आदल्या दिवशी मुंबई उच्च न्यायालयातून जामीन मिळाला आहे.

Aryan Khan Bail | आर्यन खानचा जामीन आदेश जारी, तुरुंगाबाहेर येण्यासाठी मान्य कराव्या लागल्या ‘या’ अटी!
Aryan Khan

मुंबई : मुंबई क्रूझ शिप ड्रग्ज प्रकरणात सुपरस्टार शाहरुखचा मुलगा आर्यन खान (Aryan Khan Drugs Case) याला जामीन मिळाल्यानंतर शुक्रवारी जामीन आदेशही जारी करण्यात आला आहे. तो आज (29 ऑक्टोबर) तुरुंगातून बाहेरही येऊ शकतो. आर्यनसह तीन आरोपींना आदल्या दिवशी मुंबई उच्च न्यायालयातून जामीन मिळाला आहे. आर्यनलाही अनेक अटी मान्य कराव्या लागणार आहेत, त्यापैकी एक म्हणजे तो देशाबाहेर जाऊ शकत नाही. त्यांना देशाबाहेर जायचे असेल, तर त्यासाठी न्यायालयाची परवानगी घ्यावी लागेल.

मुंबई हायकोर्टाने दुपारी आर्यन खानला पाच पानी जामीन मंजूर केला. मात्र, त्याला एक लाखाची सुरक्षा ठेव भरावी लागणार आहे. कोर्टाच्या अटींनुसार आर्यनला दर शुक्रवारी NCB ऑफिसमध्ये जावं लागणार आहे. तसेच न्यायालयाच्या कामकाजाबाबत ते कोणतेही वक्तव्य करू शकणार नाहीत. आर्यनची सुटका होण्यासाठी आता पुढची प्रक्रिया सुरु झाली आहे. जामीन मंजूर झाल्याची ऑर्डर लवकरच ऑर्थर रोड जेलपर्यंत पोहोचली आहे. त्यामुळे पुढच्या दोन तासात आर्यनची जेलमधून सुटका होण्याची दाट शक्यता आहे. तसेच आर्यन खानच्या जामिनावर सही करण्यासाठी अभिनेत्री जुही चावला सेशन्स कोर्टात पोहोचली आहे.

आर्यन खान, अरबाज मर्चंट आणि मुनमुन धमेचा यांना प्रदीर्घ सुनावणीनंतर गुरुवारी उच्च न्यायालयाने जामीन मंजूर केला. आर्यनच्या जामीन अर्जावर हायकोर्टात तीन दिवस सुनावणी झाली. आरोपींना जामीन मिळू नये म्हणून तपास यंत्रणा एनसीबीने पूर्ण ताकद लावली होती. मात्र, दुसरीकडे शाहरुख खाननेही कोर्टात अनेक ज्येष्ठ वकिलांची फौज उभी केली होती. आर्यनच्या वकिलांमध्ये मुकुल रोहतगी, सतीश मानशिंदे या ज्येष्ठ वकिलांचा समावेश होता.

शाहरुख खानच्या बंगल्याबाहेर चाहत्यांनी केली गर्दी

आर्यन खानला मुंबई हायकोर्टातून जामीन मिळाल्यानंतर त्याच्या चाहत्यांनी हा क्षण साजरा करण्यासाठी त्याच्या बंगल्याबाहेर गर्दी केली होती. जामीन आदेशानंतर, चाहत्यांनी शाहरुख खानच्या निवासस्थान मन्नत बाहेर जमण्यास सुरुवात केली जिथे गर्दी नियंत्रित करण्यासाठी 20 पोलिस तैनात करण्यात आले होते. आर्यनला अटक झाल्यानंतर 20 दिवसांनंतर जामीन मिळाला. मुंबई क्रूझ ड्रग्ज प्रकरणात अंमली पदार्थ जप्त केल्याप्रकरणी एनसीबीने आर्यनला अटक केली होती.

जामीनाला एनसीबीचा तीव्र विरोध

एनसीबीची केस अशी आहे की, आर्यनने एकप्रकारे जाणीवपूर्वक अमलीपदार्थ बाळगले होते. त्याचे अमलीपदार्थ विक्रेत्यांशी संबंध आहेत आणि अटकही वैध आहे. तो कटाचा एक भाग आहे. त्यामुळे त्याचा जामीन अर्ज फेटाळावा अशी मागणी एनसीबीचे वकील अनिल सिंग यांनी केलीय. एनसीबीचा तपास अजून सुरु आहे. आरोपींना जामिनावर सोडलं तर ते साक्षी पुराव्यांविषयी छेडछाड करु शकतात, असा युक्तिवाद एनसीबीचे वकील अनिल सिंग यांच्याकडून करण्यात आला होता.

हेही वाचा :

ड्रग्ज प्रकरणात अडकल्याने अनन्या पांडेच्या करिअरवर टांगती तलवार, ब्रँड व्हॅल्यूवरही मोठा परिणाम!

Suhana Khan : आर्यन खानच्या जामिनाची बातमी मिळताच सुहाना खानने शेअर केले खास फोटो, म्हणाली – आय लव्ह यू…

Click on your DTH Provider to Add TV9 MARATHI