Badshah: ‘तू कब मरेगा?’, केके यांच्या निधनावरील पोस्ट लिहिल्यानंतर रॅपर बादशाहला केलं ट्रोल

बॉलिवूडमधील प्रसिद्ध गायक केके (Singer KK) यांचं मंगळवारी हृदयविकाराच्या झटक्याने निधन झालं. केके यांच्या निधनाने संपूर्ण कलाविश्वावर शोककळा पसरली आहे. सोशल मीडियावर पोस्ट लिहित अनेक कलाकारांनी त्यांना श्रद्धांजली लिहिली. गायक आणि रॅपर बादशाहनेसुद्धा (Badshah) इन्स्टाग्रामवर केके यांच्यासाठी पोस्ट लिहिली. मात्र त्या पोस्टवरून त्याला ट्रोल करण्यात आलं. काही वेळानंतर त्याने या ट्रोलिंगचा (Trolling) स्क्रीनशॉट पोस्ट करत नाराजी व्यक्त केली. बादशाहने केके यांचा फोटो पोस्ट करत ‘का’ असं लिहिलं होतं. त्यावरून एका नेटकऱ्याने त्याला डीएम (डायरेक्ट मेसेज) करत ‘तू कब मरेगा’ (तू केव्हा मरशील?) असा प्रश्न विचारला. संबंधित युजरने बादशाहसाठी अपशब्दही वापरले.

‘दररोज आम्हाला कशाप्रकारच्या नकारात्मक कमेंट्सचा सामना करावा लागतो, याची कल्पना देण्यासाठी हा पोस्ट केला आहे. तुम्ही जे पाहता ते भ्रम आहे, जे ऐकता ते खोटं आहे. काही जण तुम्हाला भेटण्यासाठी मरतात, तर काही जण तुम्ही मरण्यासाठी प्रार्थना करतात’, असं त्याने लिहिलं. संबंधित युजरची कमेंट पोस्ट करताना बादशाहने त्याचं नाव उघड केलं नाही. बादशाहचं खरं नाव आदित्य प्रतीक सिंग सिसोदिया असून हिंदी आणि पंजाबी गाण्यांसाठी तो प्रसिद्ध आहे. बॉलिवूडमधील त्याची बरीच गाणी गाजली. ‘इंडियाज गॉट टॅलेंट’ या रिॲलिटी शोमध्ये तो परीक्षक म्हणूनही सहभागी झाला होता.

बादशाहची पोस्ट-

हे सुद्धा वाचा

Pawankhind: सुपरहिट ‘पावनखिंड’ सिनेमाचा वर्ल्ड टेलिव्हिजन प्रीमियर

KK Passes Away: केके यांना आधीपासूनच हदयविकाराचा त्रास होता, पोस्टमॉर्टम रिपोर्टमधून उघड

Urmila Kothare: अवघ्या काही दिवसांतच ‘तुझेच मी गीत गात आहे’ या मालिकेतून उर्मिला कोठारेची एग्झिट?

Satyavan Savitri: ‘सत्यवान सावित्री’ मालिकेत ‘ही’ अभिनेत्री साकारणार सावित्रीची भूमिका

केके हे दोन दिवसांच्या कोलकाता दौऱ्यावर गेले होते. दोन महाविद्यालयांमध्ये त्यांचा कार्यक्रम आयोजित करण्यात आला होता. मंगळवारी कार्यक्रमादरम्यान त्यांना अस्वस्थ वाटू लागलं. हॉटेलवर परतल्यानंतर त्यांना त्रास झाला आणि रुग्णालयात दाखल केलं असता त्यांना डॉक्टरांनी मृत घोषित केलं होतं.