Corona on Film Set : ‘ओह माय गॉड 2’च्या सेटवर कोरोनाचा उद्रेक, 7 जणांना कोरोनाची लागण, मुंबईतील शुटिंग स्थगित!
कोरोनाचा कहर देशभरात काहीसा कमी झाला असेल, पण त्याचा परिणाम अनेक शहरांमध्ये दिसून येतो आहे. त्याचबरोबर बॉलिवूडमध्येही कोरोना पाठलाग सोडत नाही. रिपोर्ट्सनुसार, पंकज त्रिपाठी आणि यामी गौतमच्या आगामी चित्रपट 'ओह माय गॉड 2' च्या टीममधील काही सदस्यांनी कोरोनाची लक्षणे दिसली, ज्यामुळे चित्रपटाचे शूटिंग थांबवावे लागले.
मुंबई : कोरोनाचा कहर देशभरात काहीसा कमी झाला असेल, पण त्याचा परिणाम अनेक शहरांमध्ये दिसून येतो आहे. त्याचबरोबर बॉलिवूडमध्येही कोरोना पाठलाग सोडत नाही. रिपोर्ट्सनुसार, पंकज त्रिपाठी आणि यामी गौतमच्या आगामी चित्रपट ‘ओह माय गॉड 2’ च्या टीममधील काही सदस्यांनी कोरोनाची लक्षणे दिसली, ज्यामुळे चित्रपटाचे शूटिंग थांबवावे लागले.
असे सांगितले जात आहे की, गेल्या 5 दिवसात 7 टीम सदस्यांची कोरोना चाचणी करण्यात आली, ज्यामध्ये सदस्य कोरोना पॉझिटिव्ह आढळले. अशा परिस्थितीत, जेव्हा चित्रपटाचे निर्माते अश्विन वर्धे यांना याविषयी कळले, विलंब न करता त्यांनी चित्रपटाचे शूटिंग 2 आठवड्यांसाठी पुढे ढकलले आहे.
शूटिंग रद्द करण्यात आले!
सूत्रांनी दिलेल्या माहितीनुसार, गेल्या आठवड्याच्या मध्यात जेव्हा युनिटचा एक सदस्य थोडा आजारी पडला, तेव्हा त्याने कोरोना चाचणी केली, तेव्हा तो पॉझिटिव्ह आला. यानंतर त्याने स्वतःला घरी क्वारंटाईन केले. अशा परिस्थितीत उर्वरित युनिटचीही चाचणी घेण्यात आली. जरी नंतर प्रत्येकाची चाचणी निगेटिव्ह आली त्यानंतर शूटिंग पुन्हा सुरू झाले, पण दोन दिवसात तीन लोकांना लक्षणे दिसायला सुरुवात केली आणि हे सर्व घडताना पाहून निर्मात्यांनी लगेच शूटिंग थांबवले आणि पुन्हा सर्वांची चाचणी केली गेली.
त्यावेळी सहा जणांना विषाणूची लागण झाल्याचे आढळून आले. चित्रपटाचे मुख्य अभिनेते पंकज त्रिपाठी आणि यामी गौतम हे दोघेही निगेटिव्ह आहेत. पण सर्व सुरक्षेच्या दृष्टीने दिग्दर्शक अमित राय आणि अश्विन यांनी शूटिंग रद्द करण्याचा निर्णय घेतला. वेळ वाया घालवला नाही. ऑक्टोबरच्या अखेरीस हे काम पुन्हा सुरू होईल असे सांगण्यात येत आहे. मात्र, या संपूर्ण प्रकरणावर अद्याप कोणतेही अधिकृत निवेदन आलेले नाही.
अक्षय कुमारही दिसणार खास भूमिकेत!
यापूर्वी चित्रपटाच्या सिक्वेलचे शूटिंग मे-जून 2021मध्ये होणार होते, पण कोरोना विषाणूच्या साथीच्या पार्श्वभूमीवर त्याचे शूटिंग पुढे ढकलण्यात आले होते. आता चित्रपटाचे शूटिंग सुरू होताच पुन्हा एकदा कोरोनाचा टीमवर कहर दिसत आहे. असे म्हटले जात होते की, ऑक्टोबरमध्ये अक्षय कुमार देखील या चित्रपटात एका विशेष भूमिकेसाठी चित्रीकरण करणार होता. अशा परिस्थितीत आता अक्षय चित्रपटाचे चित्रीकरण करेल का, हे पाहावे लागेल.
‘ओह माय गॉड’ हा चित्रपट गुजराती नाटकावर आधारित आहे. याव्यतिरिक्त, हा चित्रपट ‘द मॅन हू सूड गॉड’ या इंग्रजी चित्रपटाद्वारे देखील प्रेरित होता. ‘ओह माय गॉड’ चित्रपटाने बॉक्स ऑफिसवर चांगली कामगिरी केली, तर त्याचे ओपनिंग खूप संथ होते.
हेही वाचा :
Aryan Khan bail hearing | आर्यनच्या जामिनासाठी मोठी खटपट, पुन्हा एकदा होणार जामीन अर्जावर सुनावणी
