धर्मेंद्रंना सोशल मीडियावर मागावी लागली चाहत्यांची माफी! जाणून घ्या नेमकं प्रकरण काय?
बॉलिवूडचे ज्येष्ठ अभिनेते धर्मेंद्र देओल (Dharmendra) यांची सोशल मीडियावर चांगली फॅन फॉलोइंग आहे. अभिनेते अनेकदा चाहत्यांच्या मनोरंजनासाठी सोशल मीडियावर पोस्ट करत असतात. धर्मेंद्र यांनी नुकताच त्यांचा धाकटा मुलगा बॉबीचा थ्रोबॅक फोटो शेअर केला आहे.
मुंबई : बॉलिवूडचे ज्येष्ठ अभिनेते धर्मेंद्र देओल (Dharmendra) यांची सोशल मीडियावर चांगली फॅन फॉलोइंग आहे. अभिनेते अनेकदा चाहत्यांच्या मनोरंजनासाठी सोशल मीडियावर पोस्ट करत असतात. धर्मेंद्र यांनी नुकताच त्यांचा धाकटा मुलगा बॉबीचा थ्रोबॅक फोटो शेअर केला आहे. हा फोटो शेअर करत अभिनेत्याने कॅप्शन लिहिले की, ‘तो स्वतःची चांगली काळजी घेत नाही’. अभिनेत्याची ही पोस्ट सोशल मीडियावर व्हायरल होत आहे.
मंगळवारी धर्मेंद्र यांनी बॉबीचा एक फोटो शेअर केला, ज्यामध्ये तो हसताना दिसत आहे. त्याच्या एका चाहत्याला उत्तर देताना धर्मेंद्र म्हणाले की, कधी कधी माझ्या सुंदर बॉबीला समजून घेण्यासाठी मी अशी छायाचित्रे शेअर करतो जेणेकरून तो स्वतःची काळजी घेईल. त्यांनी पुढे लिहिले की, ‘मित्रांनो, अशी मुले मिळाली, मी स्वतःला भाग्यवान समजतो’.
पाहा पोस्ट :
Ye chihra…. …..Apna khayal nahin rakhta !!! pic.twitter.com/3QEVcCfdEA
— Dharmendra Deol (@aapkadharam) December 21, 2021
मंगळवारी धर्मेंद्र यांनी त्यांच्या अनेक चाहत्यांचे आभार मानले ज्यांनी त्यांच्या चित्रपटांची जुनी गाणी, व्हिडीओ क्लिप शेअर केल्या. काही लोकांनी त्याला सनीसोबतच्या काही फोटोंमध्ये त्यांना टॅग केले आहे. धर्मेंद्र यांनी चाहत्यांचे आभार मानले, ज्यांनी त्याच्या कुटुंबाला इतके प्रेम दिले. दरम्यान, अभिनेत्याने त्यांच्या चाहत्यांची माफीही मागितली आहे. त्यांनी ट्विट केले आणि लिहिले की, ‘आज कळत नाहीये मी इतके ट्विट का केले? तुम्हाला कंटाळा आला असल्यास मला माफ करा.’
‘रॉकी और रानी की लव्हस्टोरी’मध्ये दिसणार धर्मेंद्र!
धर्मेंद्र करण जोहरच्या ‘रॉकी और रानी की लव्हस्टोरी’ या चित्रपटात दिसणार आहेत. या चित्रपटात आलिया आणि रणवीर सिंह मुख्य भूमिकेत दिसणार आहेत. याशिवाय जया बच्चन आणि शबाना आझमी यांच्याही भूमिका आहेत. नुकतेच क्रूने दिल्लीतील शूट पूर्ण केले. धर्मेंद्र सोशल मीडियावर खूप सक्रिय असतात, ते अनेकदा त्यांचे फोटो आणि व्हिडीओ शेअर करत असतात.
सनी देओल ‘गदर 2’च्या शूटिंगमध्ये व्यस्त!
धर्मेंद्रप्रमाणेच सनी आणि बॉबीही वडिलांसोबतचे फोटो सोशल मीडियावर शेअर करतात. या तिघांना एकत्र पाहणे चाहत्यांसाठी आश्चर्यापेक्षा कमी नाही. बॉबी देओल बराच काळ चित्रपट जगतापासून दूर होता. सलमान खानने ‘रेस 3’ मधून त्याच्या करिअरला संधी दिली. सध्या त्याच्याकडे अनेक मोठे प्रकल्प आहेत. सध्या सनी देओल त्याचा आगामी चित्रपट ‘गदर 2’ चे शूटिंग करत आहे. पिता-पुत्राची जोडी एकत्र येण्याची अनेक दिवसांपासून चाहते वाट पाहत आहेत. चित्रपटांसोबतच अभिनेता राजकारणातही सक्रिय आहे.
हेही वाचा :
Ganapath | अरे देवा! टायगरच्या डोळ्याला काय झालं? ‘गणपत’च्या चित्रिकरणादरम्यान टायगर श्रॉफ जखमी!
चाहत्याच्या लग्नात चक्क सेलिब्रिटींची एण्ट्री, ‘ओम आणि स्वीटू’ जोडीने विवाह सोहळ्याचा आनंद दुणावला!
