Om Raut | आदिपुरुष चित्रपटाचे दिग्दर्शक ओम राऊत यांना मिळाले करोडोंचे गिफ्ट

मुंबई : ‘आदिपुरुष’ हा चित्रपट रिलीज (Release) होण्याच्या अगोदरच वादाच्या भोवऱ्यात सापडलाय. चित्रपटाचा टीझर रिलीज झाल्यापासूनच मोठा वाद सुरू आहे. चित्रपटातील (Movie) हनुमानाचा लूक पाहून अनेकांनी संताप व्यक्त केलाय. मात्र, चित्रपटाबद्दल मोठा वाद सुरू असतानाच चित्रपटाचे दिग्दर्शक ओम राऊत यांना एक अत्यंत मोठे गिफ्ट मिळालंय. यामुळे ओम राऊत यांची खुशी गगनात मावत नाहीये. विशेष म्हणजे ओम राऊत (Om Raut) यांना मिळालेल्या गिफ्टची किंमत ऐकून तुमचे डोळे नक्कीच विस्फारतील.

आदिपुरुष चित्रपटामुळे गेल्या काही दिवसांपासून ओम राऊत यांचे नाव चर्चेत आहे. आदिपुरुष चित्रपटाचा टीझर रिलीज झाल्यापासून मोठा वाद सुरू आहे. मात्र याचदरम्यान आदिपुरुष चित्रपटाचे निर्माते भूषण कुमार यांनी ओम राऊत यांना खूप मोठे आणि महागडे गिफ्ट दिले आहे. भूषण कुमार यांनी ओम राऊत यांना दिलेल्या गिफ्टचे फोटो आता सोशल मीडियावर तूफान व्हायरल होताना दिसत आहेत.

आदिपुरुष चित्रपटाचे निर्माते भूषण कुमार यांनी चित्रपट रिलीज होण्याच्या अगोदरच दिग्दर्शक ओम राऊत यांना एक आलिशान कार भेट दिलीये. भूषण कुमार यांनी ओम राऊतांना दिलेली कार अत्यंत महागडी आहे. भूषण कुमार यांनी ओम राऊत यांना लाल रंगाची फरारी Ferrari F8 Tributo ही लक्झरी कार भेट दिली आहे. रिपोर्ट्सनुसार, या कारची किंमत 4.08 कोटी असल्याचे सांगितले जात आहे. यापूर्वी भूषण कुमार यांनी कार्तिक आर्यनला देखील अशीच महागडी कार गिफ्ट केली होती.