Memes: पाकिस्तानी क्रिकेटरला पाहून लाजली उर्वशी रौतेला; ट्विटरवर ऋषभ पंतवरून मीम्सचा पूर
उर्वशीने तिच्या इंस्टाग्राम स्टोरीमध्ये एका फॅन पेजचा रिल व्हिडीओ शेअर केला आहे. यामध्ये ती नसीम शाहकडे पाहून हसताना दिसत आहे. हा व्हिडिओ समोर येताच सोशल मीडियावर मीम्सचा वर्षाव होऊ लागला आहे.
बॉलिवूडची ग्लॅमरस अभिनेत्री उर्वशी रौतेला (Urvashi Rautela) ही तिच्या चित्रपटांपेक्षा खासगी आयुष्यामुळे जास्त चर्चेत असते. टीम इंडियाचे सामने पाहण्यासाठी स्टेडियमवर गेलेली उर्वशी सध्या सोशल मीडियावर चांगलीच चर्चेत आहे. क्रिकेटर ऋषभ पंत (Rishabh Pant) आणि तिच्यात सोशल मीडियावर झालेल्या बाचाबाचीनंतर ती मॅच पहायला गेली, असं नेटकरी म्हणत आहेत. पण आता पाकिस्तानच्या क्रिकेटरचा (Naseem Shah) व्हिडीओ इन्स्टा स्टोरीमध्ये शेअर केल्याने उर्वशीबद्दल ट्विटरवर चर्चांना उधाण आलं आहे. तिच्या या पोस्टमुळे तिला प्रचंड ट्रोलदेखील केलं जातंय.
उर्वशी रौतेला आणि भारतीय क्रिकेटपटू ऋषभ पंत यांच्यातील वाद सर्वश्रुत आहे. उर्वशीचं नाव अनेकदा त्याच्याशी जोडलं गेलं. त्यानंतर दोघांकडून सोशल मीडियावर एकमेकांवर वार-पलटवार झाले. उर्वशी आणि ऋषभमधील हे भांडण चर्चेत असतानाच आता सोशल मीडियावर तिचं नाव पाकिस्तानी क्रिकेटर नसीम शाहशी जोडलं जातंय. याचं कारण खुद्द उर्वशीनेच नेटकऱ्यांना दिलं आहे.
Urvashi Rautela has shared a video of herself and Naseem Shah on her Instagram story ? pic.twitter.com/zbHQnlUFP1
— Out Of Context Cricket (@GemsOfCricket) September 6, 2022
उर्वशीने तिच्या इंस्टाग्राम स्टोरीमध्ये एका फॅन पेजचा रिल व्हिडीओ शेअर केला आहे. यामध्ये ती नसीम शाहकडे पाहून हसताना दिसत आहे. हा व्हिडिओ समोर येताच सोशल मीडियावर मीम्सचा वर्षाव होऊ लागला आहे.
Yaaaar ?? Naseem Shah With Urvashi Rautella and Special Appearance ?#UrvashiRautela #NaseemShah #RishabhPant pic.twitter.com/dLl9v9a88x
— Farhan Zaheer Khawaja (@fzk_94) September 6, 2022
उर्वशीने नसीम शाहचा व्हिडिओ शेअर केल्यानंतर ऋषभते चाहते नाराज झाले आहेत. चाहते ट्विटरवर नसीम, उर्वशी आणि ऋषभ यांचा लव्ह ट्रँगल दाखवणारे हास्यास्पद मीम्स शेअर करत आहेत आणि उर्वशीला ट्रोल करत आहेत. काहींनी ऋषभचीही खिल्ली उडवली आहे.
Yaaaar ?? Naseem Shah With Urvashi Rautella and Special Appearance ?#UrvashiRautela #NaseemShah #RishabhPant pic.twitter.com/dLl9v9a88x
— Farhan Zaheer Khawaja (@fzk_94) September 6, 2022
उर्वशी ही 28 वर्षांची आहे तर नसीम शाह हा अवघा 19 वर्षांचा आहे. दुसरीकडे ऋषभ पंत हा 24 वर्षांचा आहे. एका युजरने शेअर केलेल्या मीममध्ये उर्वशीच्या वयावरही प्रश्न उपस्थित केला आहे. हा लव्ह अँगल चुकीचा असल्याचं त्यात म्हटलं आहे. त्याचबरोबर ऋषभ पंत आणि उर्वशी रौतेला यांच्यातील ‘छोटू भैया’ आणि ‘दीदी’ हे भांडण आता लव्ह ट्रँगलमध्ये बदललं आहे, असंही काही नेटकरी म्हणतायत.
2019 मध्ये ऋषभ पंतने उर्वशीला डेट करण्याच्या चर्चांना फेटाळलं होतं. त्याचसोबत इशा नेगीसोबत रिलेशनशिपमध्ये असल्याचं त्याने जाहीर केलं होतं.
