नाना पाटेकर पत्नी, मुलांसोबतचे फोटो सोशल मीडियावर का शेअर करत नव्हते? मल्हारने सांगितलं ते सीक्रेट
मल्हार पाटेकर यांनी नाना पाटेकर कुटुंबासोबतचे फोटो सोशल मीडियावर का शेअर करत नव्हते, याबद्दल स्पष्टीकरण दिले आहे. नानांच्या वैयक्तिक आयुष्याबद्दलच्या अफवांना मल्हारने उत्तर दिले आहे. शारीरिक दुराव्यानंतरही कुटुंबाचे भावनिक नाते कसे एकसंध होते, हे त्यांनी सांगितले. नानांचे सक्रिय जीवन, समाजकार्य आणि अभिनयातील वेगळेपण यावरही प्रकाश टाकला.
अभिनेते नाना पाटेकर यांच्या निधनानंतर त्यांच्या आठवणींना उजाळा दिला जात आहे. त्यांच्या स्वभावाबद्दल बोललं जात आहे. त्यांच्या सामाजिक कार्याबद्दलही भरभरून बोललं जात आहे. इतकेच नव्हे तर त्यांच्या वैयक्तिक आयुष्याबद्दलही लिहिलं जात आहे. नाना पाटेकर पत्नीपासून 35 वर्ष दूर होते. त्यांनी घटस्फोट घेतला नव्हता. दोघांचं जमत नव्हतं, असं बोललं जात आहे. ज्यांची कधीच नाना पाटेकर यांच्याशी भेट झाली नाही, असे लोकही नानांच्या वैयक्तिक आयुष्याबद्दल काहीही लिहित आहेत. या सर्वांना नानांचे चिरंजीव मल्हार पाटेकर यांनी सडेतोड उत्तर दिलं आहे. नाना पाटेकर कुटुंबासोबतचे फोटो सोशल मीडियावर का शेअर करत नव्हते, याची माहिती मल्हार यांनी दिली आहे.
हिंदुस्थान टाइम्सला मल्हार पाटेकर यांनी मुलाखत दिली आहे. त्यात त्यांनी पाटेकर कुटुंबावर भाष्य केलं आहे. आम्ही भावनिक दृष्ट्या एकमेकांशी अत्यंत एकरूप आहोत. माझे आईवडील, मी, माझे चुलते आणि माझे चुलत भाऊ आम्ही सर्व एकसंघ आहोत. आमच्यात भावनिक एकोपा आहे. आज आमच्याबद्दल बऱ्याच गोष्टी व्हायरल होत आहेत. त्यातील असंख्य गोष्टी चुकीच्या आहेत. सोशल मीडियावर काहीही व्हायरल होतं म्हणूनच आम्ही इन्स्टाग्रामवर कुटुंबाचे फोटो कधीच व्हायरल करत नव्हतो. याचा अर्थ असा नाही की आमच्यात प्रेम किंवा जिव्हाळा नाही. वेगळं झाल्यानंतरही माझ्या आईवडिलांचे चांगले संबंध होते. 38-39 वर्षापासूनचं त्यांचं नातं होतं. बाहेर जे दिसतं, तसं कधी नातं नसतं, असं मल्हार यांनी सांगितलं.
नाना कधीच एकटे नव्हते
मी जे काही वाचलं त्याचं उत्तर एकच की नाना एकटे नव्हते. कधीच एकटे नव्हते. आम्ही त्यांच्यासोबत नव्हतो म्हणून त्यांची तब्येत खराब होती असं नाही. आमच्यापैकी कोणी ना कोणी तरी त्यांच्यासोबत असायचा. ते खूप सक्रिय होते. जीममध्ये अडीच तास घालवायचे. व्यायाम करायचे. आजकालचे तरुणही एवढं करत नाहीत. त्यांच्या फिटनेसचा स्तर असा होता, असं मल्हार म्हणाले.
काम एकसारखं नको
मला आठवतंय. त्यांनी एकदा मला एक गोष्ट सांगितली होती. ते म्हणाले होते, काम एकसारखं असू नये. त्यात वेगळंपण असलं पाहिजे. त्यामुळेच त्यांनी खामोशी सिनेमात काम केलं. पल्लेदार संवादाशिवायही आपण सर्वश्रेष्ठ अभिनय करू शकतो हे त्यांना दाखवून द्यायचं होतं. दमदार संवाद म्हणजे नाना पाटेकर हे समीकरण होतं. त्यापेक्षा त्यांना वेगळं काही करायचं होतं, असंही त्यांनी सांगितलं.
समाजसेवेत आनंद
सध्या ते समाजकार्यात रमले होते. त्यात त्यांना आनंद मिळत होता. काश्मीरमध्ये शाळा बनवण्यासाठी प्रयत्न करणं आणि शेतकऱ्यांसाठी शाश्वत असं काम करणं यावर त्यांनी भर दिला होता. आता ही जबाबदारी माझीही आहे. मी ही जबाबदारी पुढे घेऊन जाण्याचा प्रयत्न करणार आहे, असं त्यांनी स्पष्ट केलं.
