Nana Patekar : कसं आहे नाना पाटेकर यांचं डोणजे गाव? लोकसंख्या किती?
नाना पाटेकर यांचं डोणजे गाव, जिथे त्यांनी खडकावासलाजवळ फार्महाऊसमध्ये निसर्गाशी संवाद साधत शांत जीवन व्यतीत केलं. सिनेसृष्टीतील नटसम्राट असले तरी, ते स्वतः शेती करायचे, स्वयंपाक करायचे. त्यांच्या फार्महाऊसला 'नानावाडी' म्हणून ओळखलं जातं.
सिनेसृष्टीतील नटसम्राट नाना पाटेकर यांचं हृदयविकाराच्या झटक्याने काल निधन झालं. गोव्यातील राहत्या घरी त्यांनी अखेरचा श्वास घेतला. त्यानंतर काल रात्री उशिरा पुण्यातील डोणजे या त्यांच्या गावी त्यांच्यावर अंतिम संस्कार करण्यात आले. यावेळी नाना पाटेकर यांच्या शेकडो चाहत्यांनी त्यांना साश्रूनयनांनी निरोप दिला. नाना पाटेकर अचानक गेल्याने प्रत्येकाला धक्का बसला आहे. समाजासाठी नेहमी तत्पर असणारा, गरजवंतांचा आधारवड असणाऱ्या अभिनेत्याला देश मुकला. त्यामुळे संपूर्ण देशात हळहळ व्यक्त केली जात आहे.
नाना पाटेकर हे मूळचे मुरूड जंजिऱ्याचे. पण त्यांचं बालपण चुनाभट्टीत गेलं. त्यानंतर आयुष्याचा बराच काळ त्यांनी माहीममध्ये घालवलं. माटुंग्यातही ते काही काळ होते. नंतर अंधेरीला राह्यला गेले. नाना पाटेकर यांना गावाची कायम ओढ होती. त्यामुळे त्यांनी पुण्यातील हवेली तालुक्यातील डोणजे येथे घर घेतलं होतं. खडकवासला धरणाच्या जवळच नानाचा 27 एकराचा फार्म हाऊस होता. हा फार्महाऊस नानावाडी म्हणून ओळखला जातो.
nana patekar
निसर्गाशी संवाद
या फार्म हाऊसमध्ये नाना पाटेकर यांनी विविध प्रकारची झाडं लावली होती. ते स्वत: शेतात काम करायचे. तिथे एकटेच राहायचे. स्वत:चं जेवण स्वत: बनवायचे. कुणावरही ते अवलंबून नसायचे. या फार्म हाऊसमध्येच त्यांनी जीम तयार केली होती. घरात मोठं पुस्तक संग्रहालय होतं. त्यामुळे शेतात काम, जीम आणि पुस्तकं यात त्यांचा दिवस निघून जायचा. कधी किशोरी अमोणकरांना ऐकायचं तर कधी राहुल देशपांडेंना. शेतातील भल्या मोठ्या विहिरीजवळ येऊन तास न् तास बसणं. डोंगराकडे निरखून पाहणं. निसर्गाशी संवाद साधणं ही त्यांची दिनचर्या झाली होती. शहरापेक्षा गावात राहायला त्यांना प्रचंड आवडायचं.
कसं आहे डोणजे गाव?
डोणजे गावाची लोकसंख्या 3565 एवढी आहे. गावात 1822 पुरुष आहेत. तर 1743 महिला आहेत. गावात 713 कुटुंबे आहेत. गावाचं क्षेत्रफळ 954 हेक्टर एवढं आहे. डोंगराच्या कुशीत बसलेलं हे गाव आहे. बाजूलाच खडकवासला धरण असल्याने गावात पाण्याची कमतरता नाही. कसलीच ददात नाही. गावात भांडण नाही, तंटा नाही. गावकरी सर्व नानांना मानायचे. नानांचा आदर करायचे. रोज कोणी ना कोणी गावकरी त्यांना भेटायला यायचा.
nana patekar
