‘जिंदगी इम्तिहान लेती है’ गाण्याचे गायक काळाच्या पडद्याआड, कलाविश्वातून वाईट बातमी
Singer Kamlesh Avasthi Passed Away : कलाविश्वातून एक वाईट बातमी समोर आली आहे. प्रसिद्ध गायक कमलेश अवस्थी यांचं निधन झालं आहे. व्हॉईस ऑफ मुकेश म्हणून ओळखल्या जाणाऱ्या अवस्थी यांनी शेवटचा श्वास घेतला आहे.
मुकेश यांचा आवाज म्हणून ओळखलाे जाणारे प्रसिद्ध गायक कमलेश अवस्थी यांचं निधन झालं आहे. अहमदाबाद येथे राहत्या घरी त्यांनी अखेरचा श्वास घेतला. अवस्थी यांच्या निधनाने कलाविश्वावर शोककळा पसरली आहे. ‘तेरा साथ है तो..’, जिंदगी इम्तिहान लेती है अशी अनेक सुपरहिट गाणी कमलेश अवस्थी यांनी गायली होतीत.
कमलेश अवस्थी यांचा जन्म1945 मध्ये सावरकुंडला येथे झाला होता. भावनगर विद्यापीठातून एम.एस्सी. आणि पीएचडीचे शिक्षण घेतलं होतं. भावनगरमधीलच सप्तकला येथे त्यांनी आपल्या गायन क्षेत्रातील कारकिर्दीला सुरूवात केली होती. कमलेश अवस्थी यांनी पहिला म्युझिक अल्बम ‘ट्रिब्युट टू मुकेश’ रिलीज केला होता.
हिंदी चित्रपट त्यासोबतच गुजराती चित्रपटांमध्ये गायलेल्या गाण्यानंतर ते प्रसिद्धीझोतात आले. दिग्गज अभिनेते राज कपूर यांच्या ‘गोपीचंद जासूस’ या शेवटच्या चित्रपटामध्ये कमलेश यांनी पार्श्वगायन केलं होतं. यावेळी राज कपूर यांनी देशाला मुकेश परत मिळाल्याचं म्हटलं होतं. त्यानंतर व्हॉईस ऑफ मुकेश म्हणून त्यांची ओळखच झाली होती. मुकेश यांनीही अनेक गुजराती गाण्याला आवाज दिला होता.
