गुपचूप दुसरं लग्न उरकल्यानंतर मुनव्वर फारूकीचे पत्नीसोबत फोटो व्हायरल

स्टँडअप कॉमेडियन मुनव्वर फारूकीने दहा-बारा दिवसांपूर्वी गुपचूप दुसरं लग्न उरकलं. या लग्नानंतर पत्नीसोबतचे त्याचे फोटो आता सोशल मीडियावर व्हायरल होत आहेत. मुनव्वरने मेकअप आर्टिस्ट मेहजबीन कोटवालाशी लग्न केलंय.

गुपचूप दुसरं लग्न उरकल्यानंतर मुनव्वर फारूकीचे पत्नीसोबत फोटो व्हायरल
मुनव्वर फारुकी आणि त्याची पत्नी मेहजबीन कोटवालाImage Credit source: Instagram
Follow us
| Updated on: May 30, 2024 | 9:22 AM

प्रसिद्ध स्टँडअप कॉमेडियन आणि ‘बिग बॉस 17’ या शोचा विजेता मुनव्वर फारूकीने दुसऱ्यांदा लग्न केलं आहे. मुनव्वरने हे लग्न गुपचूप उरकलं असून त्याला मोजकेच पाहुणे उपस्थित होते. या लग्नानंतर आता पहिल्यांदाच जोडप्याचा फोटो सोशल मीडियावर समोर आला आहे. मुनव्वरने मेकअप आर्टिस्ट मेहजबीन कोटवालाशी लग्न केलं असून त्यांच्या लग्नानंतर केक कापतानाचा हा फोटो आहे. यावेळी मुनव्वरने पांढऱ्या रंगाचा शर्ट आणि खाकी रंगाचा पँट परिधान केला आहे. तर मेहजबीनने लॅवेंडर रंगाचा शरारा सेट घातला आहे. मुनव्वरच्या फॅन अकाऊंटवर दोघांचे फोटो पोस्ट करण्यात आले आहेत. त्यावर नेटकऱ्यांकडून लाइक्स आणि कमेंट्सचा वर्षाव होत आहे.

मुनव्वर आणि मेहजबीनने 10-12 दिवसांपूर्वीच निकाह केला होता. मात्र सोमवारी त्यांच्या निकाहची बातमी समोर आली. या निकाहला 100 पाहुणे उपस्थित होते. यात कुटुंबीय आणि जवळचा मित्रपरिवार होता. लग्नानंतर आयटीसी मराठा हॉटेलमध्ये रिसेप्शनचं आयोजन करण्यात आलं होतं. मेहजबीन ही मेमन समुदायाची असून दक्षिण मुंबईतील आग्रीपाडा इथली राहणारी आहे. मात्र मुनव्वर आणि मेहजबीन यांचं हे लव्ह मॅरेज आहे की अरेंज हे अद्याप स्पष्ट झालेलं नाही. एका शूटनिमित्त मुनव्वर आणि मेहजबीन यांची पहिल्यांदा भेट झाली होती.

हे सुद्धा वाचा

मुनव्वर आणि मेहजबीन या दोघांनीही अद्याप त्यांच्या सोशल मीडिया अकाऊंटवर लग्नाचे फोटो पोस्ट केले नाहीत. टीव्ही अभिनेत्री आणि ‘बिग बॉस’ची माजी स्पर्धक हिना खानने तिच्या इन्स्टा स्टोरीमध्ये स्वत:चा फोटो पोस्ट करत ‘मेरे यार की शादी है’ हे गाणं बॅकग्राऊंडमध्ये लावलं होतं. त्यावरून तिने मुनव्वरच्या लग्नाला हजेरी लावल्याचा अंदाज व्यक्त केला जातोय. मात्र ज्या सेलिब्रिटींनी या लग्नाला हजेरी लावली होती, त्यांनीसुद्धा सोशल मीडियावर कोणतेच फोटो पोस्ट केले नाहीत.

हे मुनव्वरचं दुसरं लग्न आहे. याआधी त्याचं लग्न झालं असून त्याला पहिल्या पत्नीपासून एक मुलगासुद्धा आहे. मेहजबीनचंही हे दुसरं लग्न असल्याचं समजतंय. ‘बिग बॉस 17’मध्ये मुनव्वर त्याच्या खासगी आयुष्याबद्दल बोलताना भावूक झाला होता. “माझ्या पूर्व पत्नीने दुसरं लग्न केलंय आणि मुलाचा ताबा मला मिळाला आहे. मुलाचा खर्च आणि त्याच्याविषयीच आमचं कधीतरी बोलणं होतं. त्याशिवाय आम्ही एकमेकांशी काहीच संपर्क ठेवत नाही”, असं तो म्हणाला होता. याआधी मुनव्वरची एक्स गर्लफ्रेंड आयेशा खान आणि नाझिला सिताशी यांनीसुद्धा त्याच्यावर फसवणुकीचा आरोप केला होता. आयेशा खान ही बिग बॉसच्या 17 व्या सिझनमध्ये स्पर्धक म्हणूनही सहभागी झाली होती.

Non Stop LIVE Update
बाळांनो... माझी शपथ तुम्हाला; पंकजा ताईचं कार्यकर्त्यांना भावनिक आवाहन
बाळांनो... माझी शपथ तुम्हाला; पंकजा ताईचं कार्यकर्त्यांना भावनिक आवाहन.
राज्यसभेचा खासदार कोण? सुनेत्रा पवार की छगन भुजबळ? दादांची NCP पेचात
राज्यसभेचा खासदार कोण? सुनेत्रा पवार की छगन भुजबळ? दादांची NCP पेचात.
एक चुटकी की किंमत अन् दादा VS दादा भिडले तर संजय राऊतांचे खोचक चिमटे
एक चुटकी की किंमत अन् दादा VS दादा भिडले तर संजय राऊतांचे खोचक चिमटे.
दादांमुळे भाजपची ब्रँडव्हॅल्यू घटली? संघाच्या मुखपत्रातून BJPला खडेबोल
दादांमुळे भाजपची ब्रँडव्हॅल्यू घटली? संघाच्या मुखपत्रातून BJPला खडेबोल.
फडणवीसांच सगेसोयऱ्यांच्या मागणीवरून विधान,जरांगेंची मागणी पूर्ण होणार?
फडणवीसांच सगेसोयऱ्यांच्या मागणीवरून विधान,जरांगेंची मागणी पूर्ण होणार?.
पदवीधर आणि शिक्षक मतदारसंघाचा पेच सुटला, सर्वपक्षीय टेन्शन मुक्त
पदवीधर आणि शिक्षक मतदारसंघाचा पेच सुटला, सर्वपक्षीय टेन्शन मुक्त.
लोकसभा-राज्यसभेत नणंद भावजया?दादा सुनेत्रा पवारांना राज्यसभेवर पाठवणार
लोकसभा-राज्यसभेत नणंद भावजया?दादा सुनेत्रा पवारांना राज्यसभेवर पाठवणार.
कोणी मिशा काढणार होतं तर कोणी संन्यास घेणार होत...राऊतांचा कुणाला टोला
कोणी मिशा काढणार होतं तर कोणी संन्यास घेणार होत...राऊतांचा कुणाला टोला.
जनता माझं तोंड चपलाने फोडतील; निवडून येताच बजरंग सोनवणे असं का म्हणाले
जनता माझं तोंड चपलाने फोडतील; निवडून येताच बजरंग सोनवणे असं का म्हणाले.
माझी बायको म्हणेल तुला खायलाही नाही... 'त्या' चर्चांवर सोनवणेंचं उत्तर
माझी बायको म्हणेल तुला खायलाही नाही... 'त्या' चर्चांवर सोनवणेंचं उत्तर.