‘धुरंधर’ नंतर बदललं सारा अर्जुनचं नशीब, रणवीर नंतर कोणासोबत करणार रोमान्स

अभिनेत्री सारा हिच्याबद्दल सांगायचं झालं तर, अभिनेत्रीने लहानपणापासूनच अभिनय विश्वात पदार्पण केलं आहे. अखेर ‘धुरंधर’ सिनेमात तिने मुख्य अभिनेत्रीची भूमिका बजावली आणि चाहत्यांचं मनोरंजन केलं. आज सर्वत्र फक्त आणि फक्त सारा हिची चर्चा रंगली आहे. ‘धुरंधर: द रिवेंज’ सिनेमातून मुख्य अभिनेत्री म्हणून करियरची सुरुवात करणाऱ्या सारा हिने फक्त मोठ्या पडद्यावर नाही तर, चाहत्यांच्या मनावर देखील राज्य केलं आहे. 19 मार्च रोजी प्रदर्शित झालेल्या सिनेमानंतर सर्वच स्तरातून सारा हिचं कौतुक होत आहे, सांगायचं झालं तर, ‘धुरंधर’ सिनेमा साराच्या आयुष्यातील फार मोठा टर्निंग पॉइंट ठरला आहे.. असं म्हणालया हरकत नाही.

धुरंधर सिनेमानंतर सारा हिला आणखी एक मोठ्या प्रोजेक्टसाठी संधी मिळाली आहे. ज्यामुळे सारा हिचं करियर वेगळ्या उंचीवर जाण्याची शक्यता आहे… मीडिया रिपोर्टनुसार, सारा हिला दिग्दर्शक झोया अख्तर हिच्या प्रॉडक्शन हाऊस अंतर्गत तयार होत असलेल्या ‘टायगर बेबी’ सिनेमासाठी निवडण्यात आलं आहे… यासिनेमात अभिनेता इशान खट्टर मुख्य भूमिकेत दिसेल असं देखील सांगण्यात येत आहे.’

रिपोर्टनुसार, झोया अख्तरच्या नवीन निर्मिती असलेल्या ‘टायगर बेबी’ मध्ये सारा अर्जुनला कास्ट करण्यात आलं आहे. या सिनेमात ती इशान खट्टरसोबत दिसणार आहे. मिळालेल्या माहितीनुसार, अर्जुन वरेन सिंग या प्रोजेक्टचे दिग्दर्शन करणार आहे. नुकतेच, झोया अख्तर हिने सोशल मीडियावर ‘अ परफेक्ट मॅच’ नावाच्या स्क्रिप्टची एक झलक शेअर केली, ज्यामध्ये ‘कबीर’ आणि ‘नाव्या’ ही नावे समोर आली आहेत.

तेव्हापासून चाहत्यांनी सिनेमाच्या कलाकारांविषयी तर्कवितर्क सुरू केले आहेत. पण या सिनेमाबद्दल सारा किंवा निर्मात्यांकडून अद्याप कोणतीही अधिकृत माहिती आलेली नाही. त्यामुळे सारा आता कोणत्या सिनेमात झळकेल याच प्रतीक्षेत तिचे चाहते आहेत.

‘धुरंधर’ सिनेमाच्या यशानंतर बदललं सारा हिचं नशीब…

धुरंधर: द रिवेंज सिनेमा बॉक्स ऑफिसवर बक्कळ कमाई करताना दिसत आहे. जगभरात सिनेमाने 1000 कोटी रुपयांचा आकडा पार केला आहे… जी फार मोठी गोष्ट आहे. त्यामुळे येत्या काळात सिनेमा किती कोटींपर्यंत मजल मारेल पाहणं महत्त्वाचं ठरणार आहे..

सिनेमात सारा अर्जुन हिच्यासोबत रणवीर सिंग, संजय दत्त, अर्जुन रामपाल, आर माधवन, आणि राकेश बेदी यांसारख्या सेलिब्रिटींनी महत्त्वाची भूमिका बजावली आहे. सध्या सर्वत्र फक्त आणि फक्त सिनेमाती चर्चा रंगली आहे.