मराठमोळा शिलेदार करणार प्रभासला दिग्दर्शन, ‘आदिपुरुष’ची घोषणा

'लोकमान्य' ते 'तानाजी' असे विविधांगी चित्रपट साकारणाऱ्या ओम राऊत याच्यासोबत प्रभास नवीन चित्रपट करत आहे.

मराठमोळा शिलेदार करणार प्रभासला दिग्दर्शन, 'आदिपुरुष'ची घोषणा
Follow us
| Updated on: Aug 18, 2020 | 11:50 AM

मुंबई : ‘बाहुबली’ अभिनेता प्रभास आता मराठमोळ्या दिग्दर्शकासोबत काम करणार आहे. ‘लोकमान्य’ ते ‘तानाजी’ असे विविधांगी चित्रपट साकारणाऱ्या ओम राऊत याच्यासोबत प्रभास नवीन चित्रपट करत आहे. ‘आदिपुरुष’ या सिनेमाची आज घोषणा करण्यात आली. (Director Om Raut to work with Prabhas on Adipurush)

अजय देवगनसोबत ‘तानाजी’ या सुपरहिट चित्रपटाचे दिग्दर्शन केल्यावर ओम राऊत आता ‘बाहुबली’ स्टार प्रभाससोबत काम करणार आहे. ओम राऊत आणि प्रभास यांनी मंगळवारी सकाळी 7 वाजून 11 मिनिटांच्या मुहूर्तावर आपल्या सोशल मीडिया अकाउंटवर पोस्ट शेअर करत ‘आदिपुरुष’ची अधिकृत घोषणा केली.

अभिनेता प्रभास ‘आदिपुरुष’ची मुख्य भूमिका साकारणार असल्याचे पोस्टरमध्ये म्हटले आहे. टी सीरीजचे भूषण कुमार या सिनेमाची निर्मिती करणार आहेत. हा चित्रपट 2022 मध्ये प्रदर्शित होणार असून हिंदीशिवाय तेलुगू, तमिळ, मल्याळम आणि कन्नड या चार दाक्षिणात्य भाषांमध्ये रिलीज होईल.

प्रभासनेही सोशल मीडियावर ‘आदिपुरुष’चे पोस्टर शेअर करुन या चित्रपटाची घोषणा केली आहे. दुष्टावर सुष्टाने मिळवलेल्या विजयाचा जल्लोष म्हणजे या सिनेमाचे कथानक असल्याचे त्याने म्हटले आहे. चित्रपटाच्या पोस्टरवरुन हा सिनेमा प्रभू श्रीराम यांच्यावर आधारित असल्याचा अंदाज व्यक्त केला जात आहे.

ओम राऊतचा परिचय

लेखक-दिग्दर्शक ओम राऊत हा प्रख्यात निर्मात्या नीना राऊत आणि ज्येष्ठ पत्रकार भारतकुमार राऊत यांचा चिरंजीव. लहानपणी करामती कोट (1993) या सिनेमात त्याने अभिनय केला होता. ‘सिटी ऑफ गोल्ड’ या सिनेमाच्या निर्मितीतून 2010 मध्ये त्याने मनोरंजन विश्वात पाऊल ठेवलं. सुबोध भावेची मुख्य भूमिका असलेल्या ‘लोकमान्य : एक युगपुरुष’ सिनेमाचे दिग्दर्शन त्याने केले. तर नुकत्याच आलेल्या अजय देवगणच्या ‘तान्हाजी’च्या दिग्दर्शनातून त्याने बॉलिवूडमध्येही ठसा उमटवला.

दुसरीकडे, प्रभास अभिनेत्री दीपिका पदुकोणसोबतही एका सिनेमात झळकणार आहे. या सिनेमाचे नाव ठरले नसून नाग अश्विन त्याचे दिग्दर्शन करणार आहे. तर अभिनेत्री पूजा हेगडेसोबत त्याचा ‘राधे श्याम’ हा चित्रपट पुढच्या वर्षी रिलीज होणार आहे. (Director Om Raut to work with Prabhas on Adipurush)

Non Stop LIVE Update
शिंदेंनी शब्द दिला म्हणून गुवाहाटीला, नाहीतर... बच्चू कडू काय म्हणाले?
शिंदेंनी शब्द दिला म्हणून गुवाहाटीला, नाहीतर... बच्चू कडू काय म्हणाले?.
मस्तीत आलेल्यांना... आमदार बच्चू कडू यांचं भाजप कार्यकर्त्यांना आवाहन
मस्तीत आलेल्यांना... आमदार बच्चू कडू यांचं भाजप कार्यकर्त्यांना आवाहन.
लोकसभेच्या 16 लढती फिक्स, कुठं कोणासोबत होणार थेट फाईट?
लोकसभेच्या 16 लढती फिक्स, कुठं कोणासोबत होणार थेट फाईट?.
धैर्यशील माने यांना हातकणंगलेतून पुन्हा तिकीट मिळणार का? काय म्हणाले
धैर्यशील माने यांना हातकणंगलेतून पुन्हा तिकीट मिळणार का? काय म्हणाले.
प्रकाश आंबेडकर यांची 'मविआ'शी फारकत... जरांगे पाटील यांच्यासोबत आघाडी?
प्रकाश आंबेडकर यांची 'मविआ'शी फारकत... जरांगे पाटील यांच्यासोबत आघाडी?.
साताऱ्यात उदयनराजेंचं पुन्हा कमळ, नाशकात छगन भुजबळ? लोकसभा कोण लढणार?
साताऱ्यात उदयनराजेंचं पुन्हा कमळ, नाशकात छगन भुजबळ? लोकसभा कोण लढणार?.
उद्धव ठाकरेंची यादी जाहीर अन काँग्रेससोबत खटके, या दोन जागेवरून हंगामा
उद्धव ठाकरेंची यादी जाहीर अन काँग्रेससोबत खटके, या दोन जागेवरून हंगामा.
माळशिरसच्या मोहिते पाटलांचं ठरलंय, हाती तुतारी घेणार? पवारांसोबत जमलंय
माळशिरसच्या मोहिते पाटलांचं ठरलंय, हाती तुतारी घेणार? पवारांसोबत जमलंय.
नवनीत राणांचा प्रचार करणार? बच्चू कडू म्हणाले, 'त्यांच्या बापाची...'
नवनीत राणांचा प्रचार करणार? बच्चू कडू म्हणाले, 'त्यांच्या बापाची...'.
'मोदी आणि माझ्यात वाद नाही'; केंद्रीय मंत्री गडकरींची EXCLUSIVE मुलाखत
'मोदी आणि माझ्यात वाद नाही'; केंद्रीय मंत्री गडकरींची EXCLUSIVE मुलाखत.