‘कंबरेत तीव्र वेदना, फिजिओथेरपी सुरू’; जुळ्या मुलांच्या जन्मानंतर टीव्ही अभिनेत्रीने शेअर केला रिकव्हरीचा कठीण काळ

टीव्हीवरील लोकप्रिय कपल दिव्यांका त्रिपाठी आणि विवेक दहिया, हे दोघं सध्या ‘पति पत्नी और पंगा 2’ या रिॲलिटी शोमध्ये दिसत आहेत. लग्नाच्या 10 वर्षांनी मे 2026 मध्ये त्यांच्या घरी जुळ्या मुलांचं आगमन झालं. डिलीव्हरीच्या जवळपास 4 महिन्यांनी हे कपल आता कामावर परतलं आहे. नुकत्याच दिलेल्या एका मुलाखतीत त्या दोघांनी काम आणि कुटुंबातला ताळमेळ यापासून ते दिव्यांकाची रिकव्हरी अशा विविध विषयांवर गप्पा मारल्या. डिलीव्हरीनंतर कंबरदुखीचा बराच त्रास झाल्याचं दिव्यांकाने नमूद केलं. त्यापासून आराम मिळवण्यासाठी फिजीओथेरपी आणि ॲक्वा थेरपीची मदत घेतल्याचं तिने सांगितलं.

डिलीव्हरीनंतर पूर्वीसारखं होणं सोपं नाही

एका वृत्तपत्राला दिलेल्या मुलाखतीदरम्यान दिव्यांकाने सांगितलं की ‘पति पत्नी और पंगा 2’ या शोद्वारे कमबॅक करण्यासाठी विवेकने मला खूप सपोर्ट केला, प्रोत्साहन दिलं. मी डिलीव्हरीनंतर पुन्हा काम करावं अशी विवेकची इच्छा होती. मात्र आई झाल्यावर कामावर परत येणं, पूर्वीसारखं सगळं सोप नाही याची जाणीव झाल्याचं दिव्यांराने नमूद केलं.

याबाबत बोलताना पुढे दिव्यांका म्हणाली, “ हा शो करण्यासाठी विवेकने मला खूप समजावलं होतं. कारण त्याला मला पुन्हा पूर्वीसारखं झालेलं पाहायचं होतं. पण आता मला समजतंय की पूर्वीसारखं होणं शक्य नाही. आधी मला वाटायचं की बाळाच्या जन्मानंतर मी पुन्हा पूर्वीसारखी होईन. पण असं होत नाही. बाळाच्या जन्मानंतर जेव्हा तुम्ही पुन्हा काम सुरू करता, तेव्हा शारीरिक आणि मानसिकदृष्ट्या हा एका नव्या सुरुवातीसारखा अनुभव असतो.”

बाळाच्या जन्मानंतर शरीर पुन्हा मजबूत करण्यासाठी खूप मेहनत घ्यावी लागते, असं दिव्यांकाने सांगितलं. या काळात चालणं, बसणं आणि उठणं यांसारख्या सामान्य गोष्टीही कठीण होऊ शकतात. शारीरिक बदलांसोबतच स्मरणशक्ती आणि मानसिक ताकद यांवरही काम करावं लागतं असं ती म्हणाली. “बाळाच्या जन्मानंतर रिकव्हरी म्हणजे शरीर पुन्हा मजबूत बनवणं. चालणं, बसणं आणि उठणं यांसारख्या छोट्या-छोट्या गोष्टीही कठीण होतात. या काळात स्मरणशक्ती आणि मानसिक ताकद यांवरही काम करावं लागतं. अशा वेळी कुटुंबीय आणि तुम्हाला साथ देणारे लोक खूप मदत करतात. सुदैवाने, विवेकने मला सर्वाधिक साथ दिली. त्याला माहीत होतं की मी खूप काळ घरात राहिले, तर मला प्रसूतीनंतरच्या नैराश्याचा (पोस्टपार्टम डिप्रेशन) सामना करावा लागू शकतो. त्यामुळे त्याची इच्छा होती की मी घराबाहेर पडावं आणि पुन्हा काम सुरू करावं.” असंही दिव्यांकाने सांगितलं.

कंबरदुखीने त्रस्त , अखेर घेतली ॲक्वाथेरपीची मदत

डिलीव्हरीनंतरच्या रिकव्हरीबद्दलही दिव्यांक स्पष्ट बोलली. बाळाच्या जन्मानंतरचे सुरुवातीचे दोन महिने माझ्यासाठी खूप कठीण होते. मला कंबरेत खूप वेदना होत होत्या आणि उठतानाही त्रास होत होता. त्यामुळे मी ॲक्वा थेरपी सुरू केली. या थेरपीमध्ये स्विमिंग पूलमधील पाण्यात व्यायाम केला जातो. त्यामुळे शरीरावर कमी ताण येतो आणि व्यायाम करणं तुलनेने सोपं होतं, असं तिने सांगितलं.

“ जेव्हा आपण रिहॅबिलिटेशनबद्दल बोललो, तेव्हा मला आठवलं की मी नेहमी सांगते की माझी रिकव्हरी चांगली झाली आहे. पण माझा हा अनुभव इतर महिलांपर्यंतही पोहोचावा, अशी माझी इच्छा आहे. मी रिहॅबिलिटेशन केलं आणि सुरुवातीचे दोन महिने माझ्यासाठी अत्यंत कठीण होते. जेव्हा आम्हाला समजलं की मी हा शो करणार आहे, तेव्हा विवेकने मला रिकव्हरीवर काम करण्यासाठी प्रोत्साहन दिलं. त्याची इच्छा होती की मी लवकरात लवकर रिहॅबिलिटेशन सुरू करावं, कारण ते माझ्यासाठी खूप महत्त्वाचं होतं. मला उठतानाही त्रास होत होता आणि कंबरेत तीव्र वेदना व्हायच्या. त्यामुळे मी ॲक्वा थेरपी सुरू केली.” असं दिव्यांका म्हणाली. ॲक्वाथेरपी आणि फिजीओथेरपीमुळे आत्मविश्वास वाढल्याचंही तिने सांगितलं.

विवेक-दिव्यांकाचं लग्न

दिव्यांका आणि विवेक ग्नाच्या 10 वर्षआंनी पालक बनले. 26 मे 2026 ला त्यांना जुळी मुलं झाली. घरात सध्या आनंदाचं वातावरण आहे. 8 जुलै 2016 साली भोपाळमध्ये विवेक आणि दिव्यांकाचं थाटामाटात लग्न झालं.